ସଂକ୍ଷେପ ଶ୍ରୀମଦ ଭାଗବତ
ସଂକ୍ଷେପ ଶ୍ରୀମଦ ଭାଗବତ
ଅଭ୍ୟାସ କର ମନ ନିତ୍ୟ,ଶ୍ରୀମଦ ଭାଗବତ
ଅଜ୍ଞାନତା ଯିବ ଏ ଗ୍ରନ୍ଥ ପଠନେ
ଭାଗବତ ସିନା ପରମ ଶାସ୍ତ୍ର l
ବ୍ୟାସଦେବ କଲେ ରଚନା ନାରାୟଣ ଯଶ ବର୍ଣ୍ଣନା
ଜଗନ୍ନାଥ ଦାଶ ପ୍ରାକୃତ ଭାଷାରେ
ଦ୍ୱାଦଶ ସ୍କନ୍ଧକୁ କଲେ ପ୍ରଣୀତ l
ଆଦ୍ୟ ବେନି ସ୍କନ୍ଧର ଗାଥା ଭାଗବତ ଆଗତ କଥା
ତୃତୀୟେ ବ୍ରହ୍ମାଣ୍ଡ ସର୍ଜନା ଚତୁର୍ଥେ
ଧ୍ରୁବ ତପେ ଧ୍ୟାୟୀ ଅଜପା ମନ୍ତ୍ର l
ପଞ୍ଚମେ ଭ୍ରତ ନୃପମଣି ସାତପୁତ୍ରେ ବାଣ୍ଟି ଧରଣୀ
ଷଷ୍ଠେ ନାରାୟଣ ନାମ ଉଚ୍ଚାରିଣ
ପାପୀ ଅଜାମ୍ବିଳ ହେଲା ମୁକତ l
ସପ୍ତମେ ପ୍ରହଲ୍ଲାଦ ଜନ୍ମ ହିରଣ୍ୟ -ଅକ୍ଷ ବିଦାରଣ
ଅଷ୍ଟମେ ସାଗର ହୋଇଲା ମନ୍ଥନ
ଗଜ ମକର ର ଯୁଦ୍ଧ ଚରିତ l
ବଂଶାନୁ କ୍ରମିକ ନବମ ଦଶମେ ଗୋବିନ୍ଦ ଜନମ
ଗୋପ ବୃନ୍ଦାବନ ମଥୁରା ଦ୍ୱାରିକା
କହ୍ନାଇ ଅଦ୍ଭୁତ ଲୀଳା ବର୍ଣ୍ଣିତ l
ଏକାଦଶେ ଷଡ଼ ସମ୍ବାଦ ତତ୍ତ୍ୱ ଅର୍ଥ ହୋଇଲା ଭେଦ
ଦ୍ୱାଦଶ ସ୍କନ୍ଧରେ ପରୀକ୍ଷିତ ଆଗେ
ଶୁକ ବିହିଲେ ଭବିଷ୍ୟ ଆଗତ l
କହିଲା ଦୀନ ପ୍ରେମାନନ୍ଦ ଭାଗବତ ଦ୍ୱାଦଶ ସ୍କନ୍ଧ
ଅଭ୍ୟାସ ରେ ମନ ଚିନ୍ତି ଚଇତନ
ଦଣ୍ଡି ନପାରିବ ମାର୍ତ୍ତଣ୍ଡ ସୁତ l