ମା କାଳୀ ବନ୍ଦନା

କାଳୀ କରାଳି କାଳିକେ ନୃମୁଣ୍ଡ ମାଳିକେ 

କାଳ ରାତ୍ରି କାତ୍ୟାୟିନୀ କାମାକ୍ଷୀ କୃତ୍ତିକେ 

କାଳବାମା ଗୋ, 

କାମରୂପୀ କୁମାରୀ ଅପର୍ଣ୍ଣା ଗୋ |

କଳହଂସୀ ମୁକ୍ତକେଶୀ କରକରଦନା 

କମଳବର ଧାରିଣୀ କମଳ ନୟନା 

କାଣ୍ଡ ଖଣ୍ଡା ଗୋ, 

କମନୀୟ ରକ୍ତ ଜବା ମଣ୍ଡା ଗୋ |

କର୍ବୁର କୁଳ ଦଳିନୀ କଳା ନାଗ ହାରା 

କପିଳାସେ କପର୍ଦ୍ଦିଙ୍କ କାମକଳା ହରା 

କଳାବତୀ ଗୋ, 

କଳା ମଚ ମଚ କଚ ଅତି ଗୋ |

କଜ୍ଜଳ ନେତ୍ରୀ କନକ ଚମ୍ପକ ଗଉରୀ 

କରୁଣା କାରିଣୀ କୃଶୋଦରୀ ମେଘାମ୍ବରୀ 

କଞ୍ଜ ପଦେ ଗୋ, 

କମଳ ନୈବେଦ୍ୟ ଅର୍ପି ବନ୍ଦେ ଗୋ