ସବୁ ଦିଶେ ଜଳ ଜଳ

ଖୁଵ ଅଦ୍ଭୁତ ଲାଗେ

ଜୀବନ ର ପଥ

ଚାଲିଛି ଏଠି

ଅହରହ ନାଟ 

ହସ ପଛେ ଅଛି

କାନ୍ଦ ର ସଙ୍କଟ

ସ୍ନେହ ଅମୃତ ରେ

ବିଷ ଯେ ଉତ୍କଟ l

ରହି ରହି ଶୁଭେ

କାଳର କରାଳ 

ସ୍ୱଳ୍ପ ସମୟରେ

କାର୍ଯ୍ୟ ଅସମ୍ଭାଳ

କିଏ ଜାଣେ କେବେ

ଆସିବ ପ୍ରଳୟ

ଛାଡିବାକୁ ହେବ

ସଂସାର ବଳୟ l

ମିଛ ଛଳ କଥା

ସବୁରି ମୁହଁର

ସତେ ଅବା ଏଠି

ବନାଇଛି ଘର

ସ୍ନେହ ପ୍ରେମ ଭକ୍ତି

ସତେ ଅବା ପର

ପ୍ରତିଯୋଗିତା ରେ

ସବୁ ଆଗଭର l

ଚାଲୁ ଚାଲୁ ଏଠି

ପଡେ କଣ୍ଟା ଝଣ୍ଟା

କଷ୍ଟ ହୃଦେ ଚାପି

ଭୁଲି ଚାଲୁ ଥକ୍କା

ସୁନେଲୀ ସପନ

ଲାଗେ ଏଠି ଫିକା

ମନ ଅଗଣାଟା

ଲାଗେ ଏକା ଏକା l

ସଳଖ ସୁନ୍ଦର

ରାସ୍ତା ସୁକୋମଳ

ନଜୁଟେ ଭାଗ୍ୟରେ

ଲାଗେ ଭାରି ଭୟ

ଦୀପର ଆଲୋକ

ଆଶାର ଉଜ୍ବଳ

ସବୁ ଦିଶେ ଖାଲି

ଆଜି ଜଳଜଳ

ନିରାଶାର ପଥେ

ଜୁଟୁଥାଉ ବଳ l