ଲୌହ ଦାନବର ରକ୍ତ ଭୋଜି

ରେଲ ଦୁର୍ଘଟଣା      କଲା ବିଚଳିତ

      ସ୍ତଵ ହେଲେ ଦେଶବାସୀ

ବାଲେଶ୍ବର ଜିଲ୍ଲା    ବାହାନଗା ଭୂମି

      ଚିନ୍ତିତ କରିଲା ଆସି ।

ବଡ଼ ଦୁର୍ଘଟଣା     ଏ ବର୍ଷର ଯହୁଁ

     ଅମୃତ କାଳରେ ହେଲା

ଜଗନ୍ନାଥ ଭୂମି     ରକ୍ତରଞ୍ଜିତରେ

      କାର ଷଡ଼ଯନ୍ତ୍ର ଥିଲା ।

କର୍ତ୍ତବ୍ୟ ଭୂଷିତ    ଦେଶର ପ୍ରଧାନ

    କର୍ତ୍ତବ୍ୟରେ ରେଲ ମନ୍ତ୍ରୀ

ଘଟଣା ସ୍ଥଳରେ     ରହି ଅନୁକ୍ଷଣ

    ଦେଉଥାନ୍ତି କାର୍ଯ୍ୟେ ଗତି ।

ହଟି ନାହିଁ ତିଳେ   ଘଟଣା ସ୍ଥଳରୁ

    ଦେଶ ରେଲ ମନ୍ତ୍ରୀ ତହୁଁ

ସଙ୍ଗରେ ଅଛନ୍ତି   କେନ୍ଦ୍ର ଶିକ୍ଷମନ୍ତ୍ରୀ

    ଉତ୍କଳ ସନ୍ତାନେ ଯହୁଁ ।

ଆହାତ ଯାତ୍ରୀଙ୍କ ସ୍ବାସ୍ଥ୍ୟସେବା ପାଇଁ

    କର୍ତ୍ତବ୍ୟ ଜଡ଼ିତ ସଙ୍ଗେ

ସବୁ ସୁବିଧାର    ବ୍ୟବସ୍ଥା କରନ୍ତି   

    ବିଶ୍ରାମ ନାହଁ ଟି ଅଙ୍ଗେ ।

ପରିଚାଳିତ ଟି   ରେଲ ଯାତାୟତ

     ଶୀଘ୍ର କରିବାର ପାଇଁ

ଦିନରାତି କାର୍ଯ୍ୟ  ଘଟଣା ସ୍ଥଳରେ

     ରହିଛନ୍ତି ମନ୍ତ୍ରୀ ଚାହିଁ ।

ମାନବିକ କାର୍ଯ୍ୟ ‌ କରନ୍ତି କର୍ତ୍ତବ୍ୟେ

     ଜନଜନ ଚାହିଁ ଛନ୍ତି

ଅମୃତ କାଳର   ଶାସନ ବ୍ୟବସ୍ଥା

     ଦେଶବାସୀସେ ବୁଝୁନ୍ତି ।

କିବା ଷଡ଼ଯନ୍ତ୍ର ଦେଲେସେ ଆଦେଶ

     ସିବିଆଇ ଯାଞ୍ଚ ପାଇଁ

ମାନବୀୟ ଭୁଲ   ଅବା ଏ ଚକ୍ରାନ୍ତ 

     ଦୁର୍ଦାନ୍ତ ଘଟଣା ଯହିଁ ।

ଶାସନ ବ୍ୟବସ୍ଥା   ଘଟଣା ସ୍ଥଳରେ

     ଦୃଷ୍ଟିଗୋଚର ଟି ଆଜି

ରାମରାଜ୍ୟ ପରି   ଜନକାର୍ଯ୍ୟ ହୁଏ

     ଦୁଃଖଖୁସି ଆସେସାଜି ।

ବିପଦ ଆପଦ   ନାହିଁ ହସ୍ତେ କାର

     ଆସୁଥିବ କାଳଚକ୍ରେ

ସମାଧାନ ଯହିଁ    କର୍ତ୍ତବ୍ୟ ଆମର

    ମନୁଷ୍ୟ ର କର୍ମଚକ୍ରେ ।

ଦିଏ ବିପଦରେ    ପରିଚୟ ତାର

   ନେତା ଅବା ସରକାର 

ଅଙ୍ଗୀକାରକରେ  ମନୁଷ୍ୟତାହାକୁ

    ଦେଖୁଥାଏ ନିରନ୍ତର ।

ପ୍ରାଣ ହରା ଜନେ  ଶ୍ରଦ୍ଧାଞ୍ଜଳି ଆମ

    ବୈକୁଣ୍ଠରେ ମିଳୁ ସ୍ଥାନ

ଆହାତ ଯାତ୍ରୀଙ୍କୁ ସ୍ବାସ୍ଥ୍ୟର କାମନା

   ଜଗା ପଦେ ନିତି ଧ୍ୟାନ ।