ଲାଇବ୍ରେରୀ
ପ୍ରୋଫାଇଲ୍
କୃଷ୍ଣଚୁଡା
କୃଷ୍ଣଚୁଡା
1 min
265
ଡହ ଡହ ବୈଶାଖୀ ତାତିରେ
ନାଲି ନାଲି ହସର ପ୍ରସ୍ଫୁଟିତ କଢି
ତୁ କୃଷ୍ଣଚୁଡା
କେତେବେଳେ
ଅଳସୀ କନ୍ୟାର ଗଭାରେ
କେତେବେଳେ
କବିର କଳ୍ପନାରେ
ଯୁବା ମନ ମାଧୁରିମା ତୁ
ଯୁବତୀ କୁଳ ଗାରିମା
ବଢିଲେ ବୈଶାଖୀ ତାତି
ସତେଜ କୋମଳ ମୁହଁର
ନାଲି ନାଲି ଓଠ ପାଖୁଡାରୁ
ଝରଇ ହସ
ଝଡ ବରଷା କିମ୍ବା କାଳ ବୈଶାଖୀ
ପ୍ରତିକୂଳ ପରିବେଶ
ସାରା ଜଗତକୁ ଦେଉଛୁ
ଜିଇଁବାର ବାର୍ତ୍ତା
ପଥଚାରିଙ୍କ ମନେ ଭରିଦେଉ
ଅପୁରନ୍ତି ଆନନ୍ଦ
ତୋ ଲାଲ ରଙ୍ଗ
ସମସ୍ତଙ୍କୁ କରେ ବିମୋହିତ
ମଣିଷ ଯେଉଁଠି ଅନ୍ୟର ମନ
ଭରଇ ବିଷ
ସେଠି ଜୀବନକୁ କରୁ ସରସ ସୁନ୍ଦର
ମିଳନରେ ଯେଉଁ ଆନନ୍ଦ
ଅନ୍ୟ କେଉଁଥିରେ ନାହିଁ
ସାଥିର ପରଶ ପାଇଁ
ବାସହିନ ତନୁ ଅଙ୍ଗେ ଭରିଦେଉ
ପ୍ରେମ ପିରତିର ବାସ
ନାଲି ନାଲି ଫୁଲ ପାଖୁଡାର ନାଲି ଓଢଣୀ
ଢାଙ୍କିଦିଏ ରାସ୍ତାର ସବୁ କାଳିମା
ସାଗର ବୁକୁରେ ଭରା ବୋଇତ ତୁ
ଚିତ୍ରିତା ଚଇତାଳି
ଏ ଦେହ ମନ
ତୋ ରଙ୍ଗରେ ହୁଏ ରଙ୍ଗାଇତ
ସବୁ ଋତୁର ନାମ କୃଷ୍ଣ ଚୁଡା ତୁ
ସ୍ୱପ୍ନର ଶାହାନାଇ
