କରୋନା

ପ୍ରଥମ ଲହର ପରେ ଦ୍ୱିତୀୟ ଲହର

କରୋନା ଭୂତାଣୁ ଗ୍ରାସି କଲା ହରବର ।

       

ଲେଉଟିଲା ପୁଣି ଥରେ ଲକ୍ ଡାଉନ୍

ସପ୍ତାହଟାଏ ଦୁଇ ଦିନ ସଟ୍ ଡାଉନ୍ ।

ଗାଡ଼ି ରେଳ ଚଳାଚଳ ପୁଣି ହେଲା ଠପ୍

ଜନଜୀବନ ହୋଇଲା ପୁଣି ଅସ୍ତବ୍ୟସ୍ତ ।

ପିଲାଏ ଗଲେନି ସ୍କୁଲ ନ ହେଲା ପରୀକ୍ଷା

ମୋବାଇଲି ମାଧ୍ୟମରେ ପାଠପଢ଼ା ଶିକ୍ଷା ।

ଭକ୍ତଙ୍କୁ ହୋଇଲା ମନା ମନ୍ଦିର ଦର୍ଶନ

ଯାନି ଯାତ୍ରା ପୂଜା ପର୍ବ ପୁଣି ପ୍ରତିବନ୍ଧ ।

ବିଶେଷଜ୍ଞ ମାନେ ପୁଣି ଦେଉଛନ୍ତି ମତ

ତୃତୀୟ ଲହର ପୁଣି ହୋଇବ ବ୍ୟାପକ ।

ଅଦ୍ଭୁତ ଏ ମହାମାରୀ ବଡ଼ ବିନାଶକ

ତ୍ରାହି ତ୍ରାହି ଡାକୁଛନ୍ତି ଜଗତର ଲୋକ ।

ଟୀକାକରଣ ସମସ୍ତ ଜନ ସହଯୋଗେ

ଚାଲୁ ରହିଅଛି ଯୁଦ୍ଧ କାଳୀନ ଭିତ୍ତିରେ ।

ଡାକ୍ତର ଓ ଚିକିତ୍ସକ ଯେତେ ସ୍ୱାସ୍ଥ୍ୟକର୍ମୀ

ଆଗଧାଡିର ଯୋଦ୍ଧା ସବୁ ସଚେତ ଯେ ପୁଣି ।

ଜନସ୍ୱାସ୍ଥ୍ୟ ରକ୍ଷା ପାଇଁ କରନ୍ତି କର୍ତ୍ତବ୍ୟ

ମୂଲ୍ୟବାନ ସେମାନଙ୍କ ଜନ ସେବା କାର୍ଯ୍ୟ ।

ଧନ୍ୟବାଦ ପାତ୍ର ସବୁ ଅଟନ୍ତି ସେମାନେ

ପାଳନ୍ତି ନିଜ ଦାୟିତ୍ୱ ଏହି ଘଡିସନ୍ଧି କ୍ଷଣେ ।

ଦିଅ ସଦ ବୁଦ୍ଧି ପ୍ରଭୁ ସଭିଙ୍କର ମନେ

କଟିଯାଉ ଦୁଃଖ ଦିନ ଶୀଘ୍ର ସାବଧାନେ ।

ମିଶିଯାଉ ଏ ଲହର ଭୂତଳେ ସାଗରେ

ସ୍ୱଚ୍ଛନ୍ଦ ହେଉ ଜୀବନ ପୁଣି ଏ ଧରାରେ ।