ଜରା ଯୌବନ

ବଳ ଥିବା ବେଳେ ହରିଣୀର ଗୋଡ଼

ପଙ୍କରେ କୁଆଡେ ଲlଖଇ ନାହିଁ  

ଡାଳ ଭଙ୍ଗା କୋଷ ବାଟ ଚାଲିଯାଏ

ଖରା କି ବରଷା ବାଧଇ ନାହିଁ ll 1

ଆଜି ନଇଁ ନଇଁ ହଜିଲା ଦିନର

ପାଦ ଚିହ୍ନ ଯାହା ଯାଇଛି ମିଶି  

ମା'ମାଟି ବକ୍ଷରେ ଖୋଜୁଛି ଆୟୁଷ

ମିଞ୍ଜି ମିଞ୍ଜି କରି ଶୁଖିଲା ଆଖି ll 2

ତିନି ମୁଣ୍ଡିଆର ବେଶ ହୋଇଅଛି

ଗୁମୁରି କାନ୍ଦୁଛି ଯୌବନ ଦିନ  

ଶୂନ୍ୟରେ ନିଃଶ୍ୱାସ ବାୟୁ ବହିଚାଲେ

ବିକଳ ଡାକୁଛି ଜଗୁଜୀବନ ll 3

ମେରୁଦଣ୍ଡ କାଣ୍ଡ ଘୁଣ ଖାଇଯାଏ

ଆମଞ୍ଚନେ ଭଗ୍ନ ପ୍ରାୟ ପ୍ରତ୍ୟୟ

ପିଣ୍ଡ ବ୍ରହ୍ମାଣ୍ଡ ତା ପ୍ରକମ୍ପି ଉଠଇ

ଶଙ୍କା ତ୍ରସ୍ତ ଶିକ୍ତ ମନ ଅଥୟ ll 4

ଜରାଗ୍ରସ୍ତ ଯଉବନ ମଉଳିଲା

ବିଷମ ଜୀବନଧାରା ନିର୍ଦ୍ଦେଶେ

ମଥା ଝୁଙ୍କିଯାଏ ଧରଣୀ ସପକ୍ଷେ

ଫୁଙ୍ଗୁଳା ଶରୀର ଭୂମିରେ ମିଶେ ll 5

କେଶରୀ ଉଦ୍ଦାମ ହୀନସ୍ଥlରେ ଆଜି

ସର୍ପବାରି ଲାଗେ ପୁତ୍ର କଳତ୍ର 

ପରିଚୟ ଗୁନ୍ଥା ଜରାଯଉବନ

ଘlଣ୍ଟଇ ଅକୁହା ବେଦନା ଅତ୍ର ll 6

ପକ୍ୱ ରୋମରାଜି ଯୌବନ ଢାଞ୍ଚା କୁ

ବିଦିର୍ଣ୍ଣେ ଆହ୍ୱାନ ଖୋଲାରେ ଦିଏ

ଯଷ୍ଟି ସହାରlକୁ ବେଳ ନଅଣ୍ଟଇ

ଅସ୍ଥି ଖୋଳପାରେ ଜୀବନ ଜୀଏଁ ll 7

ଜୀବନର ଏହି ଯବନିକା କାଳେ

ପତନ ବେଳାର ଆଶା ସୂରୁଯ

କlନ୍ଥିଲାଗି ବୁଣେ ଆୟୁଷ ଆକାଶେ

ଦିବାବସlନର ନାଲି ମୁରୁଜ ll 8