ଶେଷ ଅଭିନୟ
ଶେଷ ଅଭିନୟ
ଶେଷ ଶଵଦର ନାଁହି ମୂଲ୍ୟାୟନ
ଜାଣିଥାଅ କଳାକାର
ଶେଷ ଅଭିନୟ ସ୍ମୃତି ଚିତ୍ରପଟ
ଅନ୍ତରୀକ୍ଷ ଆଲୋକର ॥
ଏଭବ ସଂସାର ମୁକ୍ତ ରଙ୍ଗମଞ୍ଚ
ଅଭିନୟ ଅଭିପ୍ରାୟ
ଜୀବନ ଯୁଦ୍ଧରେ କିଏ ହାରେ ଜିତେ
କାହାକୁ ମିଳଇ ଶ୍ରେୟ ॥
ସଂସାରେ ସଂସାରୀ ଭାଗ୍ୟକୁ ଆଦରି
ଅଭିନୟ କରିଚାଲେ
ଶେଷ ଅଭିନୟ ହୁଏ ନିରୂପଣ
ପାପପୁଣ୍ୟ ସମତୁଲେ ॥
ଭାବ ପ୍ରବଣତା ଅଭିନେତା ଦାତା
ଦର୍ଶକର ଅନୁସଙ୍ଗ
ଉତ୍କଣ୍ଠା ଆବେଗ ଶେଷଦୃଶ୍ୟ ଅଙ୍କ
କଳ୍ପନା ପ୍ରସୂତ ରଙ୍ଗ ॥
କିଏ ହସେ କାନ୍ଦେ ଚରିତ୍ର ଆଧାରେ
କଥାଶିଳ୍ପୀ ଚିତ୍ରଣରେ
ଦୁଃଖସୁଖ ଚିତ୍ର ହୁଅଇ ପ୍ରତୀତ
କାହାଣୀର ସମାହାରେ ॥
ଶେଷ ଯବନିକା କାହାଣୀ ସଲଗ୍ନା
ନାଟକର ଆଲୋଡନ
ନାଟ୍ୟକାର କୃତୀ ପ୍ରଶଂସା ସାଉଁଟି
ଲେଖନୀକୁ ମଣେ ଧନ୍ୟ ॥
ସାମାଜିକ ଧର୍ମୀ କାହାଣୀ ସରାଗୀ
ପ୍ରେମ ପ୍ରଣୟର ପିଣ୍ଡ
ବିରହ ଯାତାନା କରେ ଆନମନା
ଭୋଗିବାକୁ ପଡେ ଦଣ୍ଡ ॥
ନିଚ୍ଛକ ଜୀବନେ ଘଟଣା ପ୍ରବାହେ
ଅଭିନୟ ଏକା ସାର
ସ୍ଥିତି ପରିସ୍ଥିତି ଜୀବନ ସଂଗତି
ଧର୍ମକର୍ମ ହୃଦୟର ॥
ଶେଷ ଅଭିନୟ ଛାଡି ଯାଏ ଛାପ
ଭବରଙ୍ଗ ଭୂମି ତଳେ
ଚିତ୍ର ଚରିତ୍ରର ଆଲୋକିତ ଦୀପ
ଲିଭିଯିବ କାଳବଳେ