କରୋନା କାଳରେ ରଜ
କରୋନା କାଳରେ ରଜ
କରୋନା କାଳରେ ରଜ ପାଳିବାରେ
ନିୟମ କାନୁନ ମାନି
ସାମଜିକ ଭାବ ରଖିବା ଅକ୍ଷୁର୍ଣ୍ଣ
ମନ ଊଣା କରିବାନି ।
ପହିଲି ରଜର ପହିଲି ପୁଲକ
ମନେ ଭରିଦିଏ ଆଶା
ଉତ୍କଳୀୟ ପ୍ରାଣ ଜାଗିଉଠେ ପୁଣ
ମୁକ୍ତାବିନ୍ଦୁ ଢାଳେବର୍ଷା ।
ରଜ ଗଣପର୍ବ ଓଡ଼ିଶାରେ ଶ୍ରେଷ୍ଠ
ସଂସ୍କୃତି ବିଭବ ଛବି
ନିଆରା ଏ'ପର୍ବ ଆଣେ ନୂଆଭାବ
ସର୍ବଜନ ଅନୁଭବି ।
କୃଷି କୃଷକର ଏ'ପର୍ବ ମହାନ
ପୁଲକିତ ମନପ୍ରାଣ
ଆଶା ଆକାଂକ୍ଷାରେ ଶୁଭ ସେ'ମନାସେ
ବୀଜ ବିପଣନେ ଜାଣ ।
ରଜ ସଜବାଜ ମନେ ଆଣେ ସ୍ବପ୍ନ
କୁଆଁରୀ ଲଳନା ହସେ
ଆର ବରଷକୁ ସାଜିବ ସେ'ବଧୂ
ସପନ ରାଇଜେ ଭାସେ ।
ପିଠାପଣା ଖାଇ ଦୋଳିରେ ଝୁଲଇ
ସ୍ବପ୍ନହୁଏ ଉଦ୍ଭାସିତ
ସାଙ୍ଗସାଥୀ ମେଳେ ନାଚିଖେଳି ବୁଲେ
ନିଆରା ଏ'ରଜ ମିତ ।
ଭଳିଭଳି ପିଠା ଗଢିଦିଏ ମାଆ
ଆରିଶା କାକରା ମଣ୍ଡା
ସବୁଠୁ ବଢିଆ ଲାଗେ ପୋଡ଼ପିଠା
ରୁଚେନାଇଁ ଭାତଗୁଣ୍ଡା ।
କୁଳର ଗାରିମା ସତେକି ଚନ୍ଦ୍ରମା
ଓଡ଼ିଆ ଘର'ର ବଧୂ
ରଜେ ସଜବାଜ ହୋଇ ସାଜେମିତ
ହସେ ତା'ର ପ୍ରାଣ ସିନ୍ଧୁ ।
ବାପଭାଇ ମୋର ଆସିବେତ ଆଜ
ସଙ୍ଗେନେଇ ରଜଭାର
ସ୍ନେହର ରଂକୁଣି ମୋ'ମାଆ ପୁଣି
ଯତନେ ସଜାଡ଼ି ଥିବ ।
ପ୍ରାତଃସ୍ନାନ ସାରି ନଵବସ୍ତ୍ର ପିନ୍ଧି
ରହିଛି ଅନାଇ ବାଟ
ହାୟରେ କରୋନା ଦାଉତୁ ସାଜନା
ସମ୍ପର୍କରେ ହେବଫାଟ ।
ହାତରେ ମେହେନ୍ଦି କପାଳରେ ବିନ୍ଦି
ପାଦରେ ଅଳତା ଗାର
ନାଲି ଶଙ୍ଖାଚୁଡ଼ି ସରାଗେ ନାଇଁଛି
ଆସିବ ତା' ପ୍ରିୟବର ।
ସଜେଇ ହୋଇଚି ନଵବଧୂ ଆଜି
ରଜର ମହତ୍ତ୍ବ ବୁଝି
କରୋନା ସଙ୍ଗରେ ଯୁଝିବା'ତ ସର୍ବେ
ପାଳନେ ଦୂରତା ରଖି ।
ବସୁମତୀ ସ୍ନାନ ଧୋଇନେଇ ଯିବ
କରୋନା ଭୁତାଣୁ ସବୁ
ପ୍ରଭୁ ଜଗନ୍ନାଥ ସଦୟ ହୋଇବ
ଶତ ପ୍ରଣିପାତ ବିଭୁ ।