କରେ କେତେ ଆତ୍ମ ବଡ଼େଇ
କରେ କେତେ ଆତ୍ମ ବଡ଼େଇ
1 min
201
ପିଣ୍ଡ ଛାଡ଼ି ଯେବେ ପ୍ରାଣ ଚାଲି ଯିବ
ଯିବି ମୁଁ ମଶାଣି ଭୂଇଁ,
ତଥାପି କାହିଁକି ଗର୍ବ,ଅହଙ୍କାର
ମୋ ମନେ ଭରିଛି ରହି।।
ମିଛ ଅଭିନୟ ଖେଳ ଖେଳିବାକୁ
ଆସିଛି ଏ ଜଗତକୁ,
ତଥାପି କାହିଁକି ମୋର ତୋର
ଘୃଣା କରେ ମୁଁ ଅନ୍ୟକୁ।।
କ୍ଷଣିକ ସମୟ ବିତି ଗଲା ପରେ
ଆତ୍ମା ଛାଡ଼ି ପ୍ରାଣ ପକ୍ଷୀ,
ଉଡ଼ି ଯିବ କେଉଁ ଅଜଣା ରାଇଜେ
ପାରେନା ସେ କଥା ଦେଖି।।
ତଥାପି କାହିଁକି କାଲି ପାଇଁ କେତେ
ଜିନିଷ ସଞ୍ଚୟ କରଇ,
ଆତ୍ମ ବଡ଼ିମାକୁ ଜାବୁଡି ଧରି କି
କରେ କେତେ ଆତ୍ମ ବଡ଼େଇ।।।