କନ୍ୟାରତ୍ନ

ପୁଅ ଅବା ଝିଅ ଈଶ୍ୱରଙ୍କ ଦାନ

ଅମୃତ ସନ୍ତାନସନ୍ତତି ସିଏ

ଗେଲବସରରେ ବଢିବାକୁ ଚାହେଁ

ବିକଶିବ ଦିନେ କଳିକାଟିଏ ।

ମହକି ଉଠିବ ତା ଗୁଣ ସୁବାସ

ଖୋଲିବ ପାଖୁଡା ରଙ୍ଗକୁ ମେଲି

ସେନେହ ଆଦର ଲୋଡେ ସେ ଯତନ

ହସିବାକୁ ଚାହେଁ ପ୍ରାଣକୁ ଖୋଲି ।

ମହାନ ସୃଷ୍ଟିର ଉଜ୍ଜ୍ଵଳ ଭବିଷ୍ୟ

ଗୀତ ସୁମଧୁର ସ୍ୱନ ମୁର୍ଚ୍ଛନା

ସମର୍ଥ ଶୈଶବ ଆଲୋକ କିରଣ

ସବୁଜ ସୁନ୍ଦର ସୁସମ୍ଭାବନା ।

ଲିଙ୍ଗ ଭେଦାଭେଦ ଅଟେ ଅବିଚାର

ଭ୍ରୁଣହତ୍ୟା ପାପ ଓ ବ୍ୟଭିଚାର

ଘୃଣ୍ୟ ଅପରାଧ ଅତ୍ୟନ୍ତ ଜଘନ୍ୟ

କଲେ କନ୍ୟାରତ୍ନ ହତଆଦର ।

ବଳର ପ୍ରୟୋଗ ପାଶବ ପ୍ରବୃତ୍ତି

ଯେତେ ନିର୍ଯାତନା ଓ କୁସ°ସ୍କାର

ଆଦର୍ଶ ସମାଜ ହେଉ ସଚେତନ

ଦୃଢ ହସ୍ତେ କରୁ ଅନୀତି ଦୂର ।