କଳା ଠାକୁର

କଣ୍ଠ ଶୁଖିଲାଣି ନାମ ଭଜି ଭଜି 

ଦୁଃଖ ନବୁଝିଲ ଥରେ ଦୁଃଖୀର

କଳା ଠାକୁର l

କପଟ କରୁଛ କିମ୍ପାଇଁ

ତୁମ ବିନା ସାହା କେ ନାହିଁ

କେତେ କେତେ ପାପୀ

ନାମ ଜପି ଜପି

ତରି ଯାଇଛନ୍ତି ଭବସାଗର l

ଲାଭ ଅବା କିବା ପାଇଲି

ଲକ୍ଷ୍ୟ କଳା ବଦନେ ଦେଲି

ଲକ୍ଷରେ ଉପମା ଅନନ୍ତ ମହିମା

ବର୍ଣ୍ଣିବାରେ ନାହିଁ ଶକତି ମୋର l

ଠକ ଭଣ୍ଡ ନିରତେ ଦଣ୍ଡ

ଠିକଣା ରେ ଉଦ୍ଧାର ପିଣ୍ଡ

ଠାକୁର ମୋହର ଅତି ଆପଣାର

ଠାବ ଦିଅ ପ୍ରଭୁ କଞ୍ଜ ପୟର l

କୁଟ ଆଉ ନକର ଜାଣି

କମ୍ଭୁ କ୍ଷେତ୍ର ମଉଡମଣୀ

କଳାରୁ କିଞ୍ଚିତେ ଦିଅ ପ୍ରଭୁ ମୋତେ

କାଳେକାଳେ ଦାସହେବି ତୁମର l

ରଖିବାକୁ ମୋତେ ପାଖରେ

ରଟେ ତୁମ ନାମ ମୁଖରେ

ରଖ ବା ନରଖ ଅରକ୍ଷ ରକ୍ଷକ

ପ୍ରେମାନନ୍ଦ ବନ୍ଦୀ ହୋଇ ଚାକର l