Library
Profile
କଳା ପ୍ରେମିକ
କଳା ପ୍ରେମିକ
ତୁମ କଳା ରଙ୍ଗ କଳାଠାରୁ ବହୁ ଉର୍ଦ୍ଧ୍ବରେ
ତୁମେ ଶ୍ରୀକୃଷ୍ଣ ତୁମ କଳାର ନାମ କୃଷ୍ଣକଳା
ତୁମେ ସାରା ଜଗତର ଷୋଳକଳାର ପ୍ରେମିକ ।
ବିଶ୍ୱ, ଧରିତ୍ରୀ ର ପ୍ରତିଟି ଜୀବ ଓ ନିର୍ଜୀବ ତୁମ ପ୍ରେମିକା
"ପ୍ରେମ" ଚଳଚ୍ଚିତ୍ର ର ତୁମେ ଲେଖକ, ନିର୍ଦ୍ଦେଶକ
ତୁମେ ହିଁ ମୂଖ୍ଯ ନାୟିକା ଓ ମୁଖ୍ଯ ନାୟକ ।
ପ୍ରେମ ଓ ପ୍ରୀତି ମନ୍ଦିରର ତୁମେ ହିଁ ଦେବତା
ତୁମେ ପ୍ରେମର ସାଧକ ଓ ଶ୍ରେଷ୍ଠ ପୂଜକ
ତୁମେ ପ୍ରେମ ଧର୍ମର ରକ୍ଷକ ଓ ସଂରକ୍ଷକ ।
ହେ ଶ୍ରୀକୃଷ୍ଣ ତୁମ ନାଲି ହସରେ
ସାରା ଆକାଶେ ଦିଶେ ମନୋରମ ପ୍ରକାଶ
ନନ୍ଦ ବାଳକ ହେ ପ୍ରଭୁ ତୁମେ ହିଁ ମନ, ଆତ୍ମା ଓ ବିବେକ ।
ତୁମେ ହିଁ ଶ୍ରୀରାଧା ତୁମେ ହିଁ ଶ୍ରୀରାମ
ତୁମେ ହିଁ ମୀରା ତୁମେ ହିଁ ଜଗତର ନାଥ ଶ୍ରୀଜଗନ୍ନାଥ
ତୁମେ ହିଁ ପ୍ରେମରଥର ସୁନ୍ଦର ସୁସ୍ଥ ଅଖ ଓ ଚକ ।
ତୁମକୁ ବୁଝିନି ଦୁନିଆ ତୁମକୁ ଜାଣିନି ଜଗତ
ଯୁବପ୍ରାଣ ଯେଉଁ ପ୍ରୀତିରେ ପାଗଳ ତାହା ଆକର୍ଷଣ
ପ୍ରେମ ଏକ ପ୍ରେମ ରେ ନଥାଏ ଦୁଇଟି ମନ ଦୁଇଟି ଆତ୍ମାର ମେଳକ ।
ତୁମେ ସତ୍ଯ, ତୁମେ ଶାସ୍ୱତ କଳାର ପ୍ରେମିକ
ତୁମ କଳାରେ ପବିତ୍ର ଶୁଭ୍ରତାର ସକାଳ
ତୁମେ ପ୍ରେମ ମାଧ୍ଯମରେ ପ୍ରେମ ପାଇଁ ପ୍ରେମର ଉପାସକ ।
