କିପରି ହୁଏ ରାତି ଓ ଦିନ
କିପରି ହୁଏ ରାତି ଓ ଦିନ
ଶୁଣ ପିଲାଏ ମୋର ଏ କଥା
କହୁଛି ତୁମ ପାଇଁ
ଦିନ ଓ ରାତି କିପରି ହୁଏ
ଜାଣକି ତୁମେ କେହି ।
ପୂରୁବ ଦିଗେ ସୂରୁଜ ଉଏଁ
ସକାଳ ହେଲେ ନିତି
ଦିବସ ଶେଷେ ସୂରୁଜ ଡୁବେ
ଆସେ ଅନ୍ଧାର ରାତି ।
ନିତି ଏପରି କାହିଁକି ହୁଏ
କହୁଛି ମୁହିଁ ଶୁଣ
ଶୁଣିଲେ ତୁମେ ଜାଣି ପାରିବ
ଦିନ ରାତି କାରଣ ।
ପୃଥିବୀ ଆମ ଗୋଟିଏ ଗ୍ରହ
ଅଟେ ବର୍ତ୍ତୁଳାକାର
ନାହିଁ ଏହାର ନିଜ ଆଲୋକ
ରଶ୍ମୀ ପାଏ ସୂର୍ଯ୍ୟର ।
ସୁର୍ଯ୍ୟର ନିଜ ଆଲୋକ ଅଛି
ରହିଛି ଏହା ସ୍ଥିର
ପୃଥିବୀ ଏହା ଚାରି ପାଖରେ
କାଟୁଅଛି ଚକର ।
ଏଥି ସହିତ ନିଜର ଚାରି
ପଟେ ଦିନକୁ ଥରେ
ଘୁରି ଆସୁଛି ନ ରହି ପଥେ
ଆମ ଅଜାଣତରେ ।
ଘୁରିଲା ବେଳେ ଯେଉଁ ପାଖଟି
ସୂର୍ଯ୍ୟଙ୍କ ପଟେ ରହେ
ସେ ପଟେ ଦିନ ହୁଅଇ ଅନ୍ୟ
ପଟରେ ରାତି ହୁଏ ।
ରାତ୍ରି ପାଖଟି ଯେବେ ଆସଇ
ସୂର୍ଯ୍ୟଙ୍କ ପଟେ ଘୁରି
ସେପଟେ ଦିନ ହୁଅଇ ଅନ୍ୟ
ପଟେ ହୁଅଇ ରାତ୍ରି ।
ଏପରି ଆମ ପୄଥିବୀ ପୃଷ୍ଠେ
ହୁଅଇ ରାତି ଦିନ
ଏ କଥା ମୋର ରଖିବ ମନେ
ନକରି ହେୟ ଜ୍ଞାନ ।