କିଏ ତୁମର ଜୀବନ ସାଥି ?

ଗୁରୁ ନୁହେଁ ସିଏ

ଗୁରୁ ଠାରୁ ପରା

ଅଧିକ ଶିକ୍ଷା ଦିଅ,

କୁହ ପିଲେ କିଏ ? (1)

       ସାଙ୍ଗ ନୁହେଁ ସେ କାହାର

        ଯିଏ ତାକୁ ସାଥି କଲା

        ସିଏ ସାଥି ହେଲା ତାର ,,

         କିଏ କହିବ ଉତ୍ତର l (2)

               ପଣ୍ଡିତ କି ସାଧୁ ସନ୍ଥ ନୁହେଁ

               ସବୁବେଳେ ଉପଦେଶ ଦେଇ

                ମହତ ପୁରୁଷ  ଗଢୁଥାଏ,

               ଜାଣିଛ କି ପିଲେ କୁହ କିଏ l (3)

ସିଏ କବି କି ଲେଖକ ନୁହେଁ

ସବୁବେଳେ କବିତା ଓ ଲେଖା

ସମସ୍ତଙ୍କୁ ସେ ପଢାଉଥାଏ ,

ଜାଣିଛ କିଏ, ଜାଣିଛ କିଏ ? l (4)

          ସେ ସୃଷ୍ଟି କରୁଛି ଯେତେ ଶିକ୍ଷକ

          ଲେଖକ, କବି ଓ ଦାର୍ଶନିକ,

          ଐତିହାସିକ ଆଉ ଭୌଗୋଳିକ,

          କିଏ ଜାଣିଛ ପିଲେ ହାତ ଟେକ? (5)

             ଯେତେ ବଡ ବଡ ବୈଜ୍ଞାନିକ

             ନେତା, ଅଭିନେତା, ଓ ଗାୟକ

             ତେଣୁ ସୃଷ୍ଟି କରେ ସେ ଅନେକ,

              କିଏ କହିବ ହାତକୁ ଟେକ l (6)

ଯିଏ ତାକୁ ଗ୍ରହଣ କରେ ନାହିଁ

ଗଣ୍ଠ ମୂର୍ଖ ଭାବେ ନିନ୍ଦା ପାଇ

ଏହି ସଂସାରରେ ସେ କାନ୍ଦୁଥାଇ,

କିଏ ଜାଣିଛ କୁହରେ ଭାଇ l (7)

           ସାଥି ସାଥି ମୋ ଜୀବନ ସାଥି

           ବିଶ୍ୱସ୍ତ ଆଉ ଘନିଷ୍ଠ ଭାବେ

           ପୁଜା ପାଏ ସେ ପୁରାଣ ପୋଥି,

           ଜାଣିଲ ପିଲେ କିଏ ତୁମ ସାଥି l (8)