କିଛି ଶେଷ କଥା
କିଛି ଶେଷ କଥା
ବିଷର୍ଣ୍ଣା କୋଣାର୍କ ଆଜି
ମଥା ପିଟେ ଚନ୍ଦ୍ରଭାଗା
ବେଳାଭୂମି ପରେ ।
ଭଗ୍ନସ୍ବାସ୍ଥ୍ୟ,ଅସଜଡା ପରିପାଟୀ
ଲୁପ୍ତ ସୈନ୍ଦର୍ଯ୍ୟତା
ଉପହାସ ଲୋକଙ୍କ ମୁଖରେ ।
ଅବଗୁଣ୍ଠିତ ସୂକ୍ଷ୍ମ ଅବୟବ
ଅତୀତର କୀର୍ତ୍ତି ରାଜି ଭୂଲୁଣ୍ଠିତ
କାଳର କରାଳ ଗହ୍ୱରରେ ।
ମଥାପିଟି କାନ୍ଦେ ଚନ୍ଦ୍ରଭାଗା ଆଜି
ବାଲୁକାର ବିସ୍ତିର୍ଣ୍ଣ ପ୍ରାନ୍ତରେ
ଝାଉଁ ବଣରୁ ନିଘଞ୍ଚ ଇଲାକାରେ ।
ହଜି ଯାଇଛି ଧର୍ମପଦର
ବାଲ୍ଯଚପଳତା ଲାଙ୍ଗୁଳା ନରସିଂହଙ୍କ
ନିଷ୍ଠୁର ଆଦେଶ ଆଗରେ ।
କିଂ କର୍ତ୍ତବ୍ୟ ବିମୁଢ ଜନ୍ମଦାତା
ବାର ଶହ କାରିଗରଙ୍କ ଉତ୍ତର ଦାୟିତ୍ଵ
ବାର ବର୍ଷର ଧରମା ହାତରେ ।
କର୍ତ୍ତବ୍ୟ ର ତାଡନା
ବଢେଇ କୂଳର ଗର୍ବ ଗୋୖରବ
କ୍ଷଣିକ ରେ ମିଶିଯିବ
ଉତ୍କଳ ମାଟିରେ ।
ଦଧି ନଉତି ବସା ସରିଛି
ତଳେ କୋଳାହଳମୟ
ଚନ୍ଦ୍ରଭାଗା ଜଳରାଶି ।
ମନେପଡେ ଜନ୍ମଦାତ୍ରୀ ଜନନୀଙ୍କ
କିଛି ଶେଷ କଥା
ତୁ ବାବୁ କାରିଗର କୂଳର ଚନ୍ଦ୍ରମା
ପିତା ତୋର ଶ୍ରେଷ୍ଠ କାରିଗର ।
ଜୀବନ ଠାରୁ କୂଳର
ଆତ୍ମା ସମ୍ମାନ ଶ୍ରେଷ୍ଠ
ଗୁଞ୍ଜରିତ ଜନନୀଙ୍କ
କେଇ ପଦ କଥା ।
ମଧ୍ୟରାତ୍ରୀ
ବିଷର୍ଣ୍ଣ ବାରଶହ କାରିଗର
ଆତ୍ମବଳୀ ଦେବାକୁ
ମାନସିକ ସ୍ତରରେ ପ୍ରସ୍ତୁତ ।
ରାତ୍ରୀ ପାହାନ୍ତେ
ସବୁ ଶେଷ
ବାରଶହ କାରିଗରଙ୍କ
ମାନ ମହତ ।
ପିତାଙ୍କ ଚରଣ ଛୁଇଁ
ମନ କରି ଦୃଢ଼
କୋମଳ ମତି
କାରିଗର କୂଳ ଭବିଷ୍ୟତ ।
ଦୂରରୁ ମାତାଙ୍କୁ କରି ଦଣ୍ଡବତ
ଲମ୍ଫ ପ୍ରଦାନ କରେ
ଚନ୍ଦ୍ରଭାଗା ସୁନୀଳ ପାତ୍ରରେ ।
ମାଟିରେ ମିଶିଗଲା
ଉଜ୍ବଳ ଭବିଷ୍ୟତ
ଉତ୍କଳର ଶିଳ୍ପୀ କାରିଗର
କ୍ଷଣିକ ରେ ଢାଳିଦେଲା
ବାସ୍ନାୟିତ ସୁରଭି ତା'ର ।