ମୋ ଦେଶ

ଭାରତ ମାଆର ବୀର ପୁତ୍ର ଆମେ

କଳା ସଂସ୍କୃତିରେ ପରିପୂର୍ଣ୍ଣ।

ସାରା ବିଶ୍ବେ ଆଜି ଭାରତ ମହାନ

ଉଡେ ଦେଖ ତ୍ରିରଙ୍ଗା କେତନ ।

ସମୟ ସୁଅରେ ଭାସି ଯାଇଅଛି

ପରାଧୀନ ତାର କଷଣ।

ସ୍ମୃତି ଫରୁଆ ରେ ସତେଜ ରହିଛି

ବୀର ଜବାନଙ୍କ ବଳିଦାନ ।

କାହାଣୀ ନୁହେଁ ଏ ସତ୍ଯ ଘଟଣା

ଗୁଳି ଆଗେ ଦେଲେ ଜୀବନ।

ଅହିଂସା ମନ୍ତ୍ରକୁ ବୁଣିଲେ ବାପୁଜୀ

ରକ୍ତ ମାଗିଲେ ନେତାଜୀ ଆମ ।

ପାଇକ ବିଦ୍ରୋହ ପାଇକ ପୁଅ ସେ

ବାର ବର୍ଷ ର ବାଜି ରାଉତ।

ନିର୍ଭିକ ଚିତ୍ତରେ ମାଟି ମାଆ ପାଇଁ

ଟେକି ଦେଲା ତାର ଜୀବନ ।

ରାଣୀ ଲକ୍ଷ୍ମୀ ବାଇ ବକ୍ସି ଜଗବନ୍ଧୁ

ସୁରେନ୍ଦ୍ର ସାଏ ଲକ୍ଷ୍ମଣ ନାୟକ।

ବିର୍ସା ମୁଣ୍ଡା,ଭଗତ ସିଂ,ସର୍ଦ୍ଧାର ପଟେଲ

ନାରୀ ନେତ୍ରୀ ପୁଣି ଅନେକ ।

ଭାରତ ସନ୍ତାନ ମାଟି ମାଆ ପାଇଁ

ତୁଚ୍ଛ କଲେ ସୁଖ ସପନ।

ପଞ୍ଚସ୍ତରୀ ବର୍ଷ ସ୍ବାଧୀନତା ଦେଖ

ସ୍ବପ୍ନ ହୋଇଛି କି ପୂରଣ ।

ପରେ ଦୋଷ ଦେଇ ଲାଭ ନାହିଁ ଭାଇ

ଆଗେ ନିଜେ ହୁଅ ସାବଧାନ ।

ବିନ୍ଦୁ ବିନ୍ଦୁ ଜଳ ମିଶି ସିନ୍ଧୁ ହୁଏ

କ୍ଷୁଦ୍ର ଦୀପ ଆଲୁଅ କରେ ଦାନ ।

ସ୍ବାଧୀନତା ଏଇ ମହାର୍ଘ ଦିବସେ

ସମସ୍ତେ ମିଶି କରିବା ପଣ ।

କଳୁଷିତ ସବୁ ଦୂର କରିଦେବା

ନୂତନ ତା ନେବ ଜନମ।

ଅଧିକାର ସାଥେ କର୍ତ୍ତବ୍ୟ କୁ ଯଦି

ସୁଚାରୁ ରୂପେ କରିବା ପାଳନ।

ଏ ପୂର୍ଣ୍ଣ୍ଯ ଭୂମି ରେ ରାମରାଜ୍ୟ ହେବ

ଭାରତ ବିଶ୍ବେ ହେବ ମହାନ ।