ହେ ପ୍ରଭୁ ମୋତେ ରକ୍ଷାକର

ଧନ ସନମାନ   ବଳ ପରାକ୍ରମ 

    କିଛି ନୁହେଁ ଚିରନ୍ତନ 

ସମୟ ଚକ୍ରରେ   ଢଳଇ ବୟସ

    ମୁଠାଏ ମାଟି ଜୀବନ 

     ବୃଥା ଗର୍ବ ଅହଙ୍କାର 

ଜନ୍ମ ହୋଇ ଦିନେ   ମରିବାକୁ ହେବ

    କେହି ନୁହେଁ ଆପଣାର ।

ହୁଏ ଦିନରାତି   ସୁଖ ପରେ ଦୁଃଖ

     ସଂସାର ବଡ ଅସ୍ଥିର

କ୍ଷଣିକ ମାୟାରେ  ବାନ୍ଧି ହୋଇ ମନ

    କହେ ସବୁ ମୋର ମୋର

     ଦେଖାଏ ଆତ୍ମ ବଡିମା

ଅରଜେ କ୍ଷମତା    ଧନ ଭୂସମ୍ପଦ 

    ବୃଦ୍ଧି କରେ ପୁଞ୍ଜିଜମା ।

ଛୁଟିଗଲେ ପ୍ରାଣ   ଏ ଶରୀର ଜଡ

     ଶୀତଳ ଦେହ ଅଚଳ

ମରୀଚିକା ପ୍ରାୟ   ଦୁଃଖ ଆଉ ସୁଖ

     ଛାଇ ଆଲୁଅର ଖେଳ

     ହରି ନାମ ଏକା ସାର

ଭବ ପାରାବାର    ନାବିକ ଈଶ୍ୱର 

    ମୋତେ ପ୍ରଭୁ ରକ୍ଷାକର ।