ଲାଇବ୍ରେରୀ
ପ୍ରୋଫାଇଲ୍
କହିଲି ମନ ଖୋଲି
କହିଲି ମନ ଖୋଲି
1 min
14.3K
ଜାଣିଲି ଯେବେ ତୁମକୁ ମୁହିଁ
ଜଗତନାଥ ବୋଲି,
ଭରସା କରି କହିଲି ତେଣୁ
ମୋ ମନ କଥା ଖୋଲି।।
ଶୁଣିକି ତୁମେ ଅଶୁଣା ଭଳି
ରହିଲ ଯେଣୁ ନାଥ,
ଆକୁଳ ହୋଇ ଚରଣ ତଳେ
ପାତିଲି ତେଣୁ ହାତ ।
ଜଗତ ଘୋଷେ ତୁମ୍ଭ ମହିମା
ଶରଣ ଦାତା ବୋଲି ।
ଭରସା କରି କହିଲି ତେଣୁ
ମୋ ମନ କଥା ଖୋଲି।।
ମୁରୁକି ହସି କହିଲ କିସ
ପାରିଲି ନାହିଁ ବୁଝି,
ହେ ପ୍ରିୟତମ ଥକି ଗଲିଣି
ଜୀବନ ସହ ଯୁଝି।
ମାରିବ ଅବା ତାରିବ ମୋତେ
ଜଣାଅ ମୁହଁ ଖୋଲି ।
ଜଗତ ଘୋଷେ ତୁମ୍ଭ ମହିମା
ଶରଣ ଦାତା ବୋଲି।।
ଜାଣିଲି ଯେବେ ତୁମକୁ ମୁହିଁ
ଜଗତନାଥ ବୋଲି,
ଭରସା କରି କହିଲି ତେଣୁ
ମୋ ମନ କଥା ଖୋଲି।।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ।
