ଖେଳିବା ରଙ୍ଗରେ ହୋରି

ହେ ନନ୍ଦକିଶୋର ହେଉଛି ଉଚ୍ଛୁର 

କର ନାହିଁ ଆଉ ଡେରି

ଫଗୁ ପୁନେଇଁରେ ରଙ୍ଗ ମହୋତ୍ସବ

ବିଭୋରେ ଖେଳିବା ହୋରି ।

ଭିଜାଇବି ଦେହ ଗୋଟାପଣେ ତୁମ

ଶ୍ରୀ ପଦେ ନାଲି ଅବିର

ବୋଳିଦେବି ମୁହେଁ ନାଲି ନେଳି ଧଳା

ଦିଶିବ କୁଞ୍ଜ ସୁନ୍ଦର ,

ଡାକଇ ମୂରଲୀ ରାଧା ରାଧା ବୋଲି

ତୁମେ ଠକ ଭାରି ବନମାଳି ।

ବିଭୋରେ ଖେଳିବା ହୋରି---

ଚୋରିକଲ ତୁମେ ହୃଦୟ ମୋହର

ସହୁଛି ନିନ୍ଦା ବାଜଣା

କଳାକାହ୍ନୁ ନାମ ଜଗତନାଥଙ୍କୁ

ରାଧା ପ୍ରେମ କିବା ଊଣା,

ହେ ନୀଳମାଧବ ନୀଳ ପୂର୍ଣ୍ଣ କାମ

ମୁଁ ଶ୍ରୀରାଧା ନୀଳିମା ରାଣୀ ।

ବିଭୋରେ ଖେଳିବା ହୋରି---

ଭୁଲିଯିବ ଆଜି ରଙ୍ଗ ଅବିରରେ

କୃଷ୍ଣ ହରି ଯେତେ ନାମ

ହଜିଯିବ ନାଥ ପ୍ରିୟା ପ୍ରୀତି ରଙ୍ଗେ

ଯିଏ ରାଧା ସିଏ କୃଷ୍ଣ,

ଅଭିନ୍ନ ଏକ ଶ୍ରୀରାଧା ଗୋପୀନାଥ

ପ୍ରେମ ଅପ୍ରାକୃତ ମୂର୍ତ୍ତି ।

ବିଭୋରେ ଖେଳିବା ହୋରି---