କେତେଦୂରେ
କେତେଦୂରେ
ମନ ସିନ୍ଧୁକରେ ସାଇତି ରଖିଲି
ବନ୍ଧୁ ହେ ତୁମ ପ୍ରୀତିକୁ
ଚାହିଁଲେ ବି ମୁହିଁ ଜଣାଇ ପାରୁନି
ଡ଼ରୁଛି ସମାଜ ଭୀତିକୁ l
ଭଲପାଇବାର ସୀମାରେଖା ନାହିଁ
ଅସୀମ ତାହାର ପରିସୀମା
ତନୁମନ ଆଉ ହୃଦୟ କନ୍ଦରେ
କରିସାରିଛି ସେ ପରିକ୍ରମା l
ପାଇବାରେ ନାହିଁ ତ୍ୟାଗରେ ବ୍ୟାପ୍ତଯେ
ଭଲ ପାଇବାର କ୍ଷେତ୍ରଫଳ
ରଖିଛି ରଖିବି ଜୀବନରେ ମୁହିଁ
ତୁମେ ବୋଧେ ମୋର ତପଫଳ l
ମଣିଷ ଜୀବନ ଅଢେଇ ଦିନିଆ
କେତେବେଳେ ସରିଯିବ
ତୁମ ପାଇଁ ମୁଁ ମୋ ପାଇଁ ତୁମେ
ବନ୍ଧୁତ୍ୱ ଏମିତି ରହିଥିବ l
କଥାଦିଅ ବନ୍ଧୁ ଚାଲିଯିବ ନାହିଁ
ବଞ୍ଚିଥିବି ମୁହିଁ ଯେତେଦିନ
ଯେଉଁଠି ଥିଲେବି ସ୍ନେହ ଟିକେ ଥାଉ
ଏତିକି କରୁଛି ନିବେଦନ l