କବିତା ପର୍ବ : ଗୀତି-କବିତା-14 : ଭୁଲ ଠିକଣା

ଆଷାଢ଼ରେ ଖଣ୍ଡେ ଚିଠି ଲେଖିଥିଲ ଭୁଲ ଠିକଣା ଦେଇ,

ଶ୍ରାବଣ ବରଷା ପଢ଼େଇ ଦେଲାନି ଚିଠିକୁ ଭିଜେଇ ଦେଇ |

ଫଗୁଣରେ ଫୁଲ ଫୁଟିବ ଭାବିଲି ମଳୟ ବହି,

ଚଇତି ଚଢେଇ ମନଟି ମୋହର ଉଡ଼ିବ ଆକାଶେ ଯାଇ |

କାଳ ବଇଶାଖୀ ବଡ଼ ବେଦରଦୀ ବାଧକ ହେଲା ମୋ ପାଇଁ |

ଆଷାଢ଼ରେ ଖଣ୍ଡେ ଚିଠି ଲେଖିଥିଲ ଭୁଲ ଠିକଣା ଦେଇ |

ବେସୁରା ଜୀବନେ ସୁର ହଜିଗଲା ମରୁ ପଥେ ହେଲି ଯାତ୍ରୀ,

ଜହ୍ନର ଜ୍ୟୋଚ୍ଛନା ଥାଉ ଥାଉ ଲାଗେ ଘଟିଛି କି ଅମାରାତ୍ରି |

ତୁମରି ବିହୁନେ ଦାବାନଳ ତାପ କେମିତି ପାରନ୍ତି ସହି ?