Library
କବିତା ପର୍ବ : (ଅତିରିକ୍ତ) କବିତା-85:
କବିତା ପର୍ବ : (ଅତିରିକ୍ତ) କବିତା-85:
1 min
171
ଅମର ହୋଇଲେ ଶ୍ରୀକୃଷ୍ଣ ପ୍ରେମରେ ମର୍ଯ୍ୟାଦା ରଖି ଶ୍ରୀରାମ,
ଅମର ହୋଇଲେ ହନୁମାନ ବୀର ସେବାଥିଲା ତାଙ୍କ କାମ |
ଅମର ହୋଇଲେ ଗର୍ବରେ ରାବଣ ହିଂସା ବଳେ ରାଜାକଂସ,
ଅମର ହୋଇଲେ ଦାନବଳେ କର୍ଣ୍ଣ ଧର୍ମରେ ପାଣ୍ଡବ ବଂଶ |
ଅମର ହୋଇଲେ ମାନୀ ଦୁର୍ଜ୍ୟୋଧନ ପ୍ରହଲାଦ ଭକ୍ତିବଳେ,
ଅମର ହୋଇଲେ ରାଜା ହରିଶ୍ଚନ୍ଦ୍ର ସତ୍ୟକୁ ଲଗାଇ ଗଳେ |
ଅମର ହୋଇଲେ ବ୍ୟାସଦେବ ଋଷି ବିତରି ପୁରାଣ ଜ୍ଞାନ,
ଅମର ହୋଇଲେ ଅହିଂସାରେ ଗାନ୍ଧି ବୁଦ୍ଧିରେ ମଧୁସୂଦନ |
ଅମର ହୋଇଲେ ପଠାଣି ସାମନ୍ତ ବିଜ୍ଞାନକୁ କରି ମନ୍ତ୍ର,
ଅମର ହୋଇଲେ ବାଜପେଯୀ ବିଜୁ ସାହସକୁ କରି ଅସ୍ତ୍ର |
