କାଶତଣ୍ଡୀ ର ଦୁଃଖ!

ଶରତ ର ଆଗମନେ,

ଖିଲିଖିଲି ହୋଇ ହସୁଚି କାଶତଣ୍ଡୀ !

କାଶତଣ୍ଡୀ କହୁଛି, ଆସନ୍ତାକି ସହଳ

ମା' ଜଗତଜନନୀର ପାର୍ବଣ ପରବ.!

ମା ର ଦର୍ଶନ ଟିକିଏ ରେ ପାଇଯାନ୍ତି

ବର୍ଷ ବର୍ଷ ର କରୁଣା ର ବିନ୍ଦୁ ସାର !

ଚାହୁଁ ଚାହୁଁ ଆସିଯାଏ ପାର୍ବଣ ର ପରବ,

ମା ଜଗତ ଜନନୀ ଙ୍କର ଧରା ଧାମେ ହୁଏ ଆଗମନ!

ମା' ର ଚାରି ଦିନ ପୂଜାର୍ଚନାରେ ବିତିଯାଏ ଦିନ,

ମା' ର କରୁଣା ରେ, ନିଜକୁ ଧନ୍ୟ ମନେକରନ୍ତି,

ମଣିଷ ଠାରୁ କୀଟ ପରିଯ୍ୟନ୍ତ !

ପାର୍ବଣ ପରେ ଆରମ୍ଭ ହୁଏ ମା ର ଭସାଣି ର ପରବ, ଆନନ୍ଦ ଉର୍ଲାସ ରେ Dj ବାଦ୍ୟର

ଆଧୁନିକ ସଂଗୀତର ତାଳରେ,

ମଦ ନିଶାରେ ମତୁଆଲା ହୋଇ ଚାଲେ

ଅଶ୍ଳୀଳ ନୃତ୍ୟ ର ଆସର !

ଭୁଲିଯାନ୍ତି ସମସ୍ତେ ସେଇ କରୁଣା ମୟୀ,

ମମତାମୟୀ ଜଗତଜନନୀ ମା ର ଭକ୍ତି ସାଗର କୁ!

ଶେଷ ରେ ଆସି ମେଳ ହୁଅନ୍ତି ମା କୁ ମେଲାଣି ଦେବାକୁ

ଗାଁ ମୁଣ୍ଡର ନଦୀ ପଠା ଵା ବନ୍ଧ ତୁଠରେ !

ମନରେ ମା ପ୍ରତି ନ ଥାଏ ସେ ଭକ୍ତି ଭାବ ଵା ସରାଗ,

ମା କୁ ମେଲାଣି ଦେବା ଆଳରେ, ଜାନ ଉପରୁ,

ମଇଳା ଫୋପାଡ଼ିଲା ଭଳି ମାର ମୃଣ୍ମୟୀ ପ୍ରତିମାକୁ

ପାଣିର ଗର୍ଭରେ ଦିଅନ୍ତି ଠେଲି. !

ଦେଖିଲେ ସତରେ ମନରେ ଦ୍ଵନ୍ଦ ଆସେ

ଏଇ କଣ ଆଜିର ଶିକ୍ଷିତ ସମାଜରେ

ମଣିଷ ର ଏହା ମା' ପ୍ରତି ଭକ୍ତି ର ଆବେଗ ?

କ୍ଷଣିକରେ ମଳିନ ପଡ଼ିଯାଏ କାଶତଣ୍ଡୀ ର,

ପାର୍ବଣ ରେ ମାର ଆଗମନ ର ଦିନ?

କାଶତଣ୍ଡୀ ବାହୁନି, ବାହୁନି କୁହେ, ଆଉ ନ ଆସୁ ସେ

ପାର୍ବଣ ର ପରବ, ପାର୍ବଣ ପରେ,

ମା ଙ୍କ ଏଭଳି ଦୁର୍ଦସା ନକରୁ

ଆଜିର ଶିକ୍ଷିତ ମଣିଷ, ଆଜିର ଶିକ୍ଷିତ ମଣିଷ  !