ଫଗୁଣ

ଫଗୁଣର ଅବିରରେ  

ନିଜ ହଳଦୀ ବସନ୍ତ ଦେହକୁ  

ମୋ ପ୍ରେମ ପରସରେ ରଂଗାୟିତ କରିବାକୁ  

କଥା ଦେଇଥିଲା ପ୍ରିୟା !

ସାତ ରଙ୍ଗର ରଙ୍ଗରେ ତା ଦେହକୁ ଭିଜେଇ  

ମୋତେ ତା ଫୁଲ ଭଳି କୋମଳ ବାହୁର ସ୍ପର୍ଶରେ  

ଜହ୍ନ ରାଇଜରେ ଘରଟିଏ ତୋଳିବାକୁ କଥା ଦେଇଥିଲା ପ୍ରିୟା !

ଜହ୍ନ ରାଇଜର ଶୀତଳ ଜୋଛନାରେ  

ତା ବୁକୁରେ ଚାପି ଧରି  

ରଙ୍ଗ ବେରଙ୍ଗ ତାରାଙ୍କ ଆଲୋକରେ  

ମୋତେ ଶୁଆଇ ଦେବ ବୋଲି 

କଥା ଦେଇଥିଲା ପ୍ରିୟା!

ଫଗୁଣ ତ ଚାଲିଗଲା  

ରଙ୍ଗ ବେରଙ୍ଗର ପରବ ଦୋଳ ବି ଚାଲିଗଲା  

ହେଲେ ସାତ ରଙ୍ଗରେ ରଙ୍ଗେଇ ହୋଇ  

ମୋତେ ତା ରଙ୍ଗରେ ଭିଜେଇବ ବୋଲି କଥା ଦେଇ 

ଆଉ ଫେରିଲାନି ପ୍ରିୟା  

ଆଉ ଫେରିଲାନି ପ୍ରିୟା !