କାର୍ତ୍ତିକ ପୂର୍ଣ୍ଣିମା

କେତେ ସୁନ୍ଦର ମୋ ଓଡିଶା ରାଇଜ

ମଧୁର ତାହାରି ଭାଷା ସାହିତ୍ୟ

ଧରମ ପୁରାଣ ପ୍ରଥା ପରମ୍ପରା

ସାରା ବିଶ୍ଵେ ଆମେ ସୁପରିଚିତ ।

ପରବ ପର୍ବାଣୀ କେତେ ଯେ ସୁନ୍ଦର

କାଳ କାଳ ଗାଥା ରହିଆସିଛି

ଜୀବନ ଜୀବିକା ସହ ଯୋଡା ହୋଇ

ଜୀବନ ପଥରେ ଖୁସି ବାଣ୍ଟିଛି ।

ମାସ ମଧ୍ୟେ ଶ୍ରେଷ୍ଠ କାର୍ତ୍ତିକ ମାସଟି

ଦାନ,ଧର୍ମ,ପୁଣ୍ୟ ପବିତ୍ର ଭରା

କାର୍ତ୍ତିକ ପୂର୍ଣ୍ଣମୀ ଶୁଭ ଲଗନରେ

ଉତ୍ସବମୁଖର ଓଡିଶା ସାରା ।

ସାଧବ ଆମର ଯାଉଥିଲେ ମିଶି

ଦୂରଦେଶକୁ ଯେ ବୋଇତ ଧରି

ବଣିଜ ବେପାର କରିବା ନିମନ୍ତେ

ନାନାଦି ଦରବ ସେଥିରେ ଭରି ।

ଝିଅ ବୋହୂମାନେ ଧୂପ ଦୀପ ଜାଳି

ବୋଇତ ବନ୍ଦାଉ ଥିଲେ ଖୁସିରେ

ସ୍ୱାମୀ ପୁତ୍ରଙ୍କର ଶୁଭ ସୁମନାସ

କରୁଥିଲେ ସର୍ବେ ମାଆ ପାଖରେ ।

ନାହିଁ ସେ ସାଧବ ପୁଅ ଓଡ଼ିଶାରେ

ନାହିଁ ସେ ସୁଦିନ ଅତୀତ ଆଜି

ପରମ୍ପରା କିନ୍ତୁ ବଞ୍ଚିରହିଅଛି

ମନେପକାଉଛୁ ସେ ସ୍ମୃତିରାଜି ।

ଖୁସି ମନେ ପାଳୁ କାର୍ତ୍ତିକ ପୂର୍ଣ୍ଣିମା

ଭସାଉଛୁ ଡଙ୍ଗା ଜଳାଶୟରେ

ଭୁଲିନାହୁଁ କେବେ ଭୁଲିଯିବୁ ନାହିଁ

ପରମ୍ପରା ଭରା ପର୍ବ ଆମେରେ ।