କାନ୍ଦିବା ଟିକେ
କାନ୍ଦିବା ଟିକେ
ଚାଲ ଆଜି କାନ୍ଦିବା ଟିକେ, ଶହୀଦଙ୍କୁ ମନେ ପକାଇ,
ଚାଲ ଆଜି କାନ୍ଦିବା ଟିକେ, ଦରିଦ୍ରଙ୍କୁ ମନେ ପକାଇ ।
ସଭ୍ୟତାର ବିକାଶ କେତେ, ମାନବ ସମାଜ କରିଛି,
ଚାଲ ଆଜି କାନ୍ଦିବା ଟିକେ, ଦୁଷ୍କର୍ମକୁ ମନେ ପକାଇ ।
ଜୀବନକୁ ଭରସା ନାହିଁ, ଦିପହରେ ହତ୍ୟା ହେଉଛି,
ଚାଲ ଆଜି କାନ୍ଦିବା ଟିକେ, ମୃତକଙ୍କୁ ମନେ ପକାଇ ।
ହାତ ଗୋଡ଼ ଥାଇ ବି ଯେବେ, ଅସହାୟ ମନେ କରେ ମୁଁ,
ଚାଲ ଆଜି କାନ୍ଦିବା ଟିକେ, ଦିବ୍ୟାଙ୍ଗଙ୍କୁ ମନେ ପକାଇ ।
ଗର୍ଭ, କୋଳ, ପଣତ କାନି, ଯୋଗାଇ ଥିଲା ଯେ ନିଃସ୍ୱାର୍ଥେ,
ଚାଲ ଆଜି କାନ୍ଦିବା ଟିକେ, ମମତାକୁ ମନେ ପକାଇ ।
କାହିଁକି ଲେଖୁଛି କବିତା, ଯଦି କିଛି ନାହିଁ ପ୍ରଭାବ,
ଚାଲ ଆଜି କାନ୍ଦିବା ଟିକେ, ଦାୟିତ୍ୱକୁ ମନେ ପକାଇ ।