କାଳିଆ କାହ୍ନୁକୁ ହୋଇଛି ଜର
କାଳିଆ କାହ୍ନୁକୁ ହୋଇଛି ଜର
କାଳିଆ କାହ୍ନୁ କୁ ହୋଇଛି ଜର
ରହିଛି ସେ ପରା ଅଣସରର।
ଭାଇ ଭଉଣୀ ଙ୍କୁ ସାଥିରେ ନେଇ
ଜର ରେ କମ୍ପୁଛି କଳା ଗୋସାଇଁ।
ନାନା ରକମ ର ପଥି ଯୋଗାଇ
ସେବାରେ ପଣ୍ଡାଏ ଅଛନ୍ତି ରହି।
କାହିଁକି କରିଲୁ ଏମିତି ସ୍ନାନ
ଶରୀର ପ୍ରତି ତୋ ଦେଲୁନି ଧ୍ୟାନ।
ତୋ କଷ୍ଟ କୁ ଆମେ ପାରୁନୁ ସହି
ତୋତେ ଦେଖିବାକୁ ମନ ଝୁରଇ।
ପନ୍ଦର ଦିନ କି ପନ୍ଦର ବର୍ଷ
ତୋତେ ନ ଦେଖିରେ ମନ ବିରସ।
ନବ ଯୌବନ ରେ ଦେବୁ ଦର୍ଶନ
ଦେଖିବୁ ସତେ ତୋ କଳା ବଦନ।
ବଡ଼ ଦାଣ୍ଡ କୁ ତୁ ଆସିବୁ ଧାଇଁ
ସେ ଶୁଭ ଦିନ କୁ ରହିଛୁ ଚାହିଁ।
ତୋ ଜର ସାଙ୍ଗରେ ସଂସାର ରୋଗ
ସବୁ ଧୋଇଦେବୁ ହେ ମହାଭାଗ।
ତୋ ରଙ୍ଗ ଅଧରେ ହସ ଯେମିତି
ପ୍ରତିଟି ପରାଣେ ଭରି ଦେବୁ ହସ
କରେ ଶ୍ରୀ ପୟରେ ଏହି ମିନତୀ ।