କାଗଜ ଡଙ୍ଗା
କାଗଜ ଡଙ୍ଗା
ମନେ ପଡିଯାଏ ମୋ ପିଲାଦିନ
ହଜିଗଲା ଗତକାଲି
ଭୁଲି ନାହିଁ ମନୁ ଡଙ୍ଗା ତିଆରିବା
ରଫ ଖାତାକୁ ଚିରି ।
ଚଉଖୁଣ୍ଟ କରି ମୋଡିମାଡି ଭାଙ୍ଗି
ହୁଅଇ କାଗଜ ଡଙ୍ଗା
ଭସାଇଲେ ତାକୁ ବରଷା ଧାରରେ
ଲାଗୁଥିଲା ବଡ଼ ମଜା ।
ସାଙ୍ଗ ସାଥି ମେଳେ ଟିକି ଗଡିଆରେ
ପବନ ବହିଲେ ଭାସେ
ପାଣିର ଚବକା ବେଗ କରେ ଗତି
ତାଳି ମାରି ନାଚେ ହସେ ।
ଓଲଟାଇ ପଢେ ଗୋଟିକ ଉପରେ
ଗୋଟିଏ ଜୀବନ ପୃଷ୍ଠା
ଜାଗିଉଠେ ସବୁ ପିଲାଦିନ ସ୍ମୃତି
ଇତିହାସ ଆତ୍ମକଥା ।
ଗୈ।ରବ ଉଜ୍ଜଳ ଆମ ପରମ୍ପରା
ଉତ୍କଳୀୟ ନୌବାଣିଜ୍ୟ
ଗଢିଛି ସୁନ୍ଦର ମୋ ମନେ ସପନ
ଦେଉଛି ସାହସ ଧୈର୍ଯ୍ୟ ।
ଭାସି ଭାସି ଯାଆ କାଗଜ ଡଙ୍ଗା ମୋ
ବୋଇତ ଜାହାଜେ ପଣ୍ୟ
ହେଉ ସୁସମୃଦ୍ଧ ମୋ ଜାତି ସ°ସ୍କୃତି
ଧନଧାନ୍ୟ ପରିପୂର୍ଣ୍ଣ ।