ଜୟ ମାଆ ହରଚଣ୍ଡୀ

      

ଜୟ ଜୟ ମହାମାୟୀ କୃପାମୟୀ ମାତା l

ନାମ ଧରିଲେ ତୋହର ଦୂରଯାଏ ଚିନ୍ତା ll

ବାସକରିଛୁ ମାତ ତୁ ମହୋଦଧି ତୀରେ l

ଅରଣ୍ୟ ମଧ୍ୟରେ ବାଲୁବନ୍ତ କାନ୍ତାରରେ ll

ନାମ ବୋଲାଇଛୁ ମାତ ବାଲି ହରଚଣ୍ଡୀ l

ବାଇଆହୁଅନ୍ତି ଭକ୍ତ ତୋତେ ଉଣ୍ଡି ଉଣ୍ଡି ll

ବିପଦ ଭଞ୍ଜନୀ, ମାତ ନାରାୟଣୀ ତୁହି l

ତୋର ନାମେ ମାତ ସର୍ବବିପଦ ଖଣ୍ଡଇ ll

କଣ୍ଠେ ରତନର ମାଳ, ପୟରେ ଅଳତା l

ପଦ୍ମ ମୁଖୀ ଲଲାଟରେ ସିନ୍ଦୁରର ଚିତା ll

କଳାମେଘିଶାଢ଼ୀ ମାତ ଅଙ୍ଗରେ ଭୂଷଣ l

ଖଣ୍ଡା ଖର୍ପର ହସ୍ତରେ କେଶରୀ ବାହନ ll

ଯୋଗ୍ନିଗଣ ଧରି ମାତ ସଦା ତୋ ଭ୍ରମଣ l

ସନ୍ଥ ଜନେ ପାଳନ ମା' ଦୁଷ୍ଟ ନିବାରଣ ll

ଗ୍ରାମେଗ୍ରାମେ ପୂଜା ମାତ ତୁ ଗ୍ରାମଦେବତୀ l

ନମଃ ନାରାୟଣୀ ମାତ ତୁହି ହିମବନ୍ତୀ ll

ଦୁଃଖନାଶିନୀ ମାଆ ତୁ ସଙ୍କଟ ତାରିଣୀ l

ନମସ୍ତୁତେ ନମସ୍ତୁତେ ମା' ବିଶ୍ୱ ଜନନୀ ll