ଜୟ ମାଆ ଭଦ୍ରକାଳି

ସାଳନ୍ଦୀ ତଟୀନୀ ତଟ ବିହାରିଣୀ l

ମାଆ ଭଦ୍ରକାଳୀ ଅଭୟ ଦାୟିନୀ ll

ଚାରିଭୁଜେ ଶୋହେ ଖଡ଼ଗ ଖର୍ପର l

ଜପାମାଳି ଶିଶୁକୃଷ୍ଣ କୋଳେ ତୋର ll

ପଦ୍ମାସନୀ ମାଆ ବାହନ କେଶରୀ l

ଆମ୍ବା,ଅମ୍ବିକା ମା'ଶଙ୍କରୀ ଗଉରୀ ll

କାଳି, କରାଳିନି,କରାଳ ବଦନୀ l

ଶିବାଶନି ମାଆ ନୃମୁଣ୍ଡ ମାଳିନୀ ll

ଆବିର୍ଭାବ ହେଲୁ ମେଘାସନ ଗିରି l

ଭଦ୍ରକରେ ଲୀଳାକରୁ ମାହେଶ୍ୱରୀ ll

ଯବନେ ଦଣ୍ଡିଲେ କରି ଲଣ୍ଡ ଭଣ୍ଡ l

ଗୁପତେ ରହିଲୁ ଭଦ୍ରକାଳୀ ଗଣ୍ଡ ll

ପ୍ରାପ୍ତହେଲେ ପୁଣି ଭୂୟାଁବୀର ତୋତେ l

କୁଳଦେବୀ କରି ପୂଜାକଲେ ମାତେ ll

ଗୋହିରା ଟିକିରି ଠାରେ ତୁହି ମାତା l

ଦେଖିଲୁ ଉତ୍କଳ ଶେଷ ସ୍ୱାଧୀନତା ll

ମୁକୁନ୍ଦ ମନ୍ଦିର ଦେବୀ ତୋ ପ୍ରାଙ୍ଗଣେ l

ସେ କଳା ଐତିହ୍ୟ କଥାକୁ ବଖାଣେ ll

ପରମ ବୈଷ୍ଣବୀ ସନ୍ତାନ ବତ୍ସଳା l

ସନ୍ତାନ ମଙ୍ଗଳ ଵାଂଛୁ ତୁ ମଙ୍ଗଳା ll

ଆସି ଅଛି ମାତା ଏବେ ପାରବଣ l

ସପ୍ତମାତୃ ବେଶେ ଦେଉ ତୁ ଦର୍ଶନ ll

ଭଦ୍ରକର ମାତେ ଅଧିଷ୍ଠାତ୍ରୀ ଦେବୀ l

ପୂଜ୍ୟ ଠାକୁରାଣୀ ମାଆଲୋ ଭୈରବୀ ll

ଜଗତ ଜନନୀ ମାଆ ଦୟାମୟୀ l

ଜଗତକୁ ରଖ ତୁ ଘଣ୍ଟ ଘୋଡ଼ାଇ ll