ଜୟ ମା ସନ୍ତୋଷୀ ମାଆ

ଶୀତଳ ସମୀର  ଧୀରେ ବହିଯାଆ

    ଯହିଁ ଥିବ ମୋର ମାଆ ,

ସାଥିରେ ଆଣିବୁ  ମାଆକୁ ମୋହର

    ତା ବିନୁ ନାହିଁ କେ ସାହା ।

ଶୁଖିଲା ଚନ୍ଦନ    ମଉଳିଲା ଫୁଲ

     ଡେ଼ରି କରିବୁନି ବାଆ ,

କହିବୁରେ ତୁହି   "ମାଆ" କୁ ବୁଝାଇ

     ଅଭିମାନ ତେଜ ମାଆ ।

ଦୋଷ କ୍ଷମି ମୋର  ଗୃହେ ବିଜେକର

      କାହିଁଅଛୁ ମୋର ମାଆ ,

ଜାଣିନାହିଁ ମା'ଗୋ   ମନ୍ତର ଜନ୍ତର

     ସନ୍ତୋଷୀ "ମା" ଗୋ ଅଭୟା ।

କେତେ ଦୁଃଖ ତୁହି   ନାସୁ ମ

Advertisement

ହାମାୟୀ

       ଦୁଃଖ ହାରିଣୀ ତୁ ମାଆ ,

ମୁଁ ମୁଢ଼ ଅବନୀ  ଘେନ ମୋ ଦୟିନୀ

       ଶରଣ ଦେ' ତୁ ମାଆ ।

ତୋର ନାମ ଧରି    ଯାଉ ଏହି ପ୍ରାଣ

      ଆଶ୍ରାହିଁ ତୋହର ପାଆ ,

ତୋର ଏ ସଂସାରେ  ମୁଁ ଛାର ମାତର

      ବିପଦୁ ଉଦ୍ଧାର ମାଆ ।

ଶତ ଅପରାଧ    କ୍ଷମି ମହାମାୟୀ

      ଆଶିଷ ବରଷି ଯାଆ ,

ଯୋଡ଼ ହସ୍ତେ ମୁହିଁ   ପ୍ରଣତି ଜଣାଏ

      କୋଟି ଦଣ୍ଡବତ ମାଆ ।

ଯହିଁ ଥିବ ମୋର "ମାଆ"...........