ଜୟ ମା' ରାଧିକେ

         ଜୟ ମା' ରାଧିକେ
        ===========
ଜୟ ମା' ରାଧିକେ ଜୟ ଆରାଧିକେ
      ଜୟ ମା' ମଙ୍ଗଳମୟୀ l
ନାମ ମା' ଧରିଲେ ନିତ୍ୟାନନ୍ଦ ମୟୀ
       ଦୂରିତ ଦୂରେ ପଳାଇ ll
କୃଷ୍ଣ ଆରାଧିକା ଜୟ ମା' ରାଧିକା
       ଜୟ ମା' ଜୟ ଶ୍ରୀରାଧା l
ସଂସାର ସାଗରେ ତରି ଚାଲୁ ଥାଇ
    ନାମେ ମା' ନଥାଏ ବାଧା ll
ବୃନ୍ଦାବନେଶ୍ୱରୀ ମାଆଲୋ ଈଶ୍ୱରୀ
        ଇପ୍ସିତ ଫଳ ଦାୟିନୀ l
ଶ୍ରୀରାଧା, ଶ୍ରୀକୃଷ୍ଣ, ଏକ ତନୁ ସିନା
     ଏକ ବିଜେ ଫାଳ ବେନି ll
ଗୋଲୋକ ବାସିନୀ କୃଷ୍ଣର ସଙ୍ଗିନୀ
      ମାଆ ରାସେଶ୍ୱରୀ ତୁହି l
ତୁହି ମା ପରମେ ଜୀବେ ବାସ କରୁ
       ପରମ ରୂପରେ ରହି ll
ଜୟ ସୁର ବନ୍ଦ୍ୟା ବୃଷଭାନୁ ଜେମା
     ଜୟ ମାଆ ଗୋପୀଶ୍ରେଷ୍ଠା l
ତୋତେ ଧ୍ୟାନକଲେ କୃଷ୍ଣର ପୟରେ
      ଆପେ ଆସିଯାଏ ନିଷ୍ଠା ll
ମାଆ ଶୁଭ୍ର ମୁଖି ଜୟ ଲୋ ସୁମୁଖୀ     
       ତପ୍ତକାଞ୍ଚନ ଗୌରାଙ୍ଗୀ l
ଜୀବର କଲ୍ୟାଣେ ମରତେ ଆସିଲୁ     
     ଗୋଲୋକପତିଙ୍କ ସଂଗୀ ll
ବୃନ୍ଦାବନେଶ୍ୱରୀ ମାଆ ରାସେଶ୍ୱରୀ
        ଲାଗିଛି ନିତ୍ୟ ରାହାସ l
ମୁଁ ମୁଢ଼ ଅଜ୍ଞାନ ତୋ ପାଦେ ଶରଣ
      ବାଞ୍ଛେ ମା' ଦାସାନୁଦାସ ll 
କଲ୍ୟାଣ କରିବୁ ମାଆଲୋ କଲ୍ୟାଣୀ
       ଜୟ ମା' ଦୟା ସାଗରୀ l
ଆପଦେ ବିପଦେ ସାହା ହେଉ ଥିବେ
       ଜୟ ଶ୍ରୀରାଧା ଶ୍ରୀହରି ll
              🙏🙏🙏
                  ଅର୍ଜୁନୀ
                ------------
ଅର୍ଜୁନୀ ଚରଣ ବେହେରା
ମୋ - 7693091971