ସୁନ୍ଦର ଫୁଲ ରଙ୍ଗଣୀ

       ସୁନ୍ଦର ଫୁଲ ରଙ୍ଗଣୀ
      =============
ଶୁଣ ଶୁଣ ଶୁଣ ଫୁଲ ରଙ୍ଗଣୀ ।
     ଫୁଟିବୁନିକି ତୁ ସଞ୍ଜ ହେଲାଣି ।।
ଥୁରୁ ଥୁରୁ ଥୁରୁ କାଲୁଆ ଶୀତ ।
    ହଲି ହଲି ଗାଆ ମଧୁ ସଙ୍ଗୀତ ।।
ଘରକୁ ଗଲେଣି ମଧୁପ ଗଣ ।
      ନକରିବେ ଆଉ ମଧୁ ହରଣ ।।
ସୁନ୍ଦର ଫୁଲ ତୋ ପତର ନେଳି ।
   ରଙ୍ଗରଙ୍ଗା ଫୁଟୁ ରଙ୍ଗ ରଙ୍ଗେଲି ।।
ନାଲିଆ ହଳଦୀ ପୁଣି ଗୋଲାପି ।
  ଲାଗୁ ତୁହି ମୋତେ ଯଥା ତୁଲିପି ।।
ଯାଇ ଥିଲି ବୁଲି ମୁହିଁ କାଶ୍ମୀରି ।
     ଦେଖିଲି ତୁଲିପ ଭାରି ସୁନ୍ଦରୀ ।।
ସୁନ୍ଦର ପଣରେ ରଙ୍ଗଣୀ ତୁହି ।
    ତୁଲିପ ତୋ ତୁଲ ତୁଳନା କାହିଁ ।।
ସୁନ୍ଦର ତନୁ ତୋ ଭାରି ସୁନ୍ଦର ।
    ଦେବେ କରିଥାନ୍ତି ଭାରି ଆଦର ।।
ତୋତେ ଲୋଡ଼ିଥାନ୍ତି ଖୁଦୁରୁକୁଣୀ ।     
   ପଲ୍ଲୀ ବାଳାଙ୍କର ମଣ୍ଡୁ ତୁ ବେଣୀ ।।
ଜହ୍ନି ଫୁଲ ଓଷା କରନ୍ତି ବାଳୀ ।
   ରଙ୍ଗଣୀ ଫୁଲରେ ବାଢ଼ି ଅଞ୍ଜଳୀ ।।
ସୁନ୍ଦର ତୁହି ଲୋ ଭାରି ସୁନ୍ଦର ।
    ଗୁନ୍ଥି ଦେବି ନେଇ ଗଜରା ହାର ।। ଧଳାଫୁଲ ସଙ୍ଗେ ତତେ ମିଶାଇ ।
        ଭିତରେ ସୁନ୍ଦର ଦିଶିବୁ ତୁହି ।।
ଝଅଟ ଝଅଟ ଝଅଟ ଫୁଟ ।
      ଶୀତ ପରେ ଆସୁଅଛି ବସନ୍ତ ।।
ବାସନ୍ତୀଙ୍କୁ ନେଇ ଅର୍ପିବି ମୁହିଁ।
 ବୀଣାପାଣି ଦେବେ ବୀଣା ବଜାଇ ।।
ଫୁଟି ଏକ ଦିନେ ପଡୁ ମଉଳି ।
    ରଙ୍ଗିଆ ଫୁଲ ତୁ ଛଇ ଛାବେଲି ।।
ରଙ୍ଗଣୀ ଫୁଟିଲା ଜାତି ଜାତିକି ।
      କଥା ତାର ଥାଉ ଆଜି ଏତିକି ।।
              🙏🙏🙏
                  ଅର୍ଜୁନୀ
                -----------
ଅର୍ଜୁନୀ ଚରଣ ବେହେରା
ମୋ -7693091971