ଦୟାମୟୀ ମାଆ ମହାଲକ୍ଷ୍ମୀ

     ଦୟାମୟୀ ମାଆ ମହାଲକ୍ଷ୍ମୀ
      ==============
       ମାଆ ଲୋ କରୁଣାମୟୀ
ଆଜ ଗୁରୁବାରେ ଆରାଧଇ ମାଆ
   ଧୂପ ନଇବେଦ୍ୟ ଦେଇ ।(ଘୋଷା)
ନଜାଣେ ପ୍ରାର୍ଥନା ପୁଜା ଆରାଧନା
         ତନ୍ତ୍ର ମନ୍ତ୍ର ଜଣା ନାହିଁ ।
ଦୟା ରଖିଥିବୁ ଦୟାସାଗରୀ ମା'
      ତୋ ପଦେ ନମଇଁ ମୁହିଁ ।।
ବିଷ୍ଣୁ ମନୋରମା ସିନ୍ଧୁ ରାଜଜେମା
       ତୁହି ମାଆ ମହାମାୟୀ ।
ବିଶ୍ବ ପଡ଼ିଦାତ୍ରୀ କଇଲ୍ୟାଣଗାତ୍ରୀ
      ତ୍ରିପୁରେ ବନ୍ଦିତା ତୁହି ।।
ବୈକୁଣ୍ଠବାସିନୀ ତୁହି ମା କଲ୍ୟାଣୀ
      ତୁହି ମା ଐଶ୍ୱର୍ଯ୍ୟଦାୟୀ ।
ତୋର ଦୟା ଥିଲେ ଦୁଃଖ ଦୈନ୍ୟ
     ସବୁ ଅଚିରେ ଦୂର ପଳାଇ ।।
ବାଉନଭଣ୍ଡାର ରାଣୀ ତୁ ବୋଲାଉ
      ଜୀବ ତୋତେ ଭଜୁଥାଇ ।
ପ୍ରତିପାଳୁ ନିତି ଜୀବ କୋଟି କୋଟି
      ଘଟେ ଘଟେ ବସି ତୁହି ।।
ଜୟ ହରିପ୍ରିୟା, ଦୟାମୟୀ ମାଆ
     ତୋ ପୂଜା ଦେବୁ ବତାଇ ।
କି ଦେଇ ପୂଜିବି ଐଶ୍ଵର୍ଯ୍ୟମୟୀଙ୍କୁ
       ଧନ ଜ୍ଞାନ ହୀନ ମୁହିଁ।।
ଜୟ ଜୟ ମାଆ ପଦ୍ମା, ପଦ୍ମାଳୟା
       ଜୟ କ୍ଷିରାବ୍ଧୀ ତନୟୀ ।
ଜୟ ପଦ୍ମାସନୀ, ଜଗତ ଜନନୀ
       ଭକ୍ତିରେ ପଦେ ନମଇଁ ।।
            🙏🙏🙏
                ଅର୍ଜୁନୀ
             --------------
ଅର୍ଜୁନୀ ଚରଣ ବେହେରା
ମୋ -୭୬୯୩୦୯୧୯୭୧