ପ୍ରଭାତୀ ବାଣୀ ବନ୍ଦନା

      ପ୍ରଭାତୀ ବାଣୀ ବନ୍ଦନା
         ===========
ଜୟ ମା' ମରାଳ ବାହନୀ ।
     ଜୟ ମା' ବିଦ୍ୟା ପ୍ରଦାୟିନୀ ।।
ବୀଣା ପୁସ୍ତକ ତୋର ହସ୍ତେ ।
     ବାଗ୍ଦେବୀ ନମସ୍ତେ ନମସ୍ତେ ।।
ଜୟ ମା' ବିଦ୍ୟା ଅଧିଷ୍ଠାତ୍ରୀ ।
    ପୁଜନ୍ତି ତୋତେ ବିଦ୍ୟା ଅର୍ଥୀ ।।
ଜୟ ମା' ଶାରଦା ବରଦା ।
      ଜୟ ମା' ବାଣୀ ବ୍ରହ୍ମବିଦ୍ୟା ।।
ଜୟ ମା' ବୈକୁଣ୍ଠ ବାସିନୀ ।
       ତ୍ରିପୁର ବନ୍ଦ୍ୟା ଠାକୁରାଣୀ ।।
କଣ୍ଠେ ଶୋଭଇ ମୁକ୍ତା ହାର ।
      ଜୟ ମା' ବିଦ୍ୟାର ଭଣ୍ଡାର ।।
ନୁପୁର ରୁଣୁ ଝୁଣୁ ବାଜେ ।
      ରତ୍ନ କୁଣ୍ଡଳ କର୍ଣ୍ଣେ ସାଜେ ।।
ଜୟ ମା' କମଳ ଲୋଚନୀ ।
        ତୁଷାର ବର୍ଣ୍ଣା ପଦ୍ମାସନୀ ।।
ଜୟ ମା' ବିଷ୍ଣୁଙ୍କ ଘରଣୀ ।
     ନିତ୍ୟ ଶୁଣାଉ ବେଦବାଣୀ ।।
ବେଦ ବନ୍ଦିତା ସରସ୍ଵତୀ ।
     ନମସ୍ତେ ନମସ୍ତେ ଭାରତୀ ।।
ଜୟ ମା ଜୟ ଭଗବତୀ ।
    ବେଦ କରନ୍ତି ତୋତେ ସ୍ତୁତି ।।
ଜୟ ଅଖିଳ ଖିଳରାଣୀ ।
  ପ୍ରାଣୀଙ୍କ ମୁଖେ ଦେଉ ବାଣୀ ।।
ପୂଜିଲେ ତୋତେ ଭକ୍ତିଭରେ ।
  ବିଦ୍ୟା ମା' ଦେଉ ଅକାତରେ ।।
ମୂକକୁ କରାଉ ବାଚାଳ ।
    ମୁଁ ମାତା ବିଦ୍ୟାର କାଙ୍ଗାଳ ।।
ଆଜନ୍ମୁ ମୂର୍ଖ ମୋତେ ଜାଣି ।
       ଦୟା ରଖିବୁ ବୀଣାପାଣି ।।
ତୋ ବୀଣା ମଧୁର ଝଙ୍କାର ।
    ଝଙ୍କୃତ ହେଉ ହୃଦେ ମୋର ।।
ନମସ୍ତେ ଦୟାମୟୀ ମାତେ ।
   ତୋ ପଦେ ନମଇଁ ପ୍ରଭାତେ ।।
            🙏🙏🙏
                ଅର୍ଜୁନୀ
              ------------
ଅର୍ଜୁନୀ ଚରଣ ବେହେରା
ମୋ -7693091971