STORYMIRROR

Prabhati Mahapatra

Classics Inspirational Others

3  

Prabhati Mahapatra

Classics Inspirational Others

ଜୟ ମା କମଳା

ଜୟ ମା କମଳା

1 min
1.2K


ଜୟ ମାଗୋ ଅନ୍ନପୂର୍ଣ୍ଣା ଗୋ

ଆସ ଏ ଭକ୍ତ ଗହଣେ

କୃପା ବାରି ଢାଳି ରଖ ମା

ସଦା ତୁମ୍ଭ ଚରଣେ ।


ସିନ୍ଧୁ ସୁତା ଲକ୍ଷ୍ମୀ କମଳା

ମାଗୋ ବିଘ୍ନ ନାଶିନୀ

ତୁମ୍ଭ କରୁଣାରୁ ଚଳେ ମା

ଏଇ ସାରା ମେଦିନୀ ।


ଧନଧାନ୍ୟ ପୂର୍ଣ୍ଣ ହୁଏ ମା

କଲେ ତୁମ୍ଭର ସ୍ତୁତି

ଦୁଃଖ ଭବାର୍ଣ୍ଣବେ ଭାସିଲେ

ପ୍ରାଣେ ନଥାଏ ଭୀତି ।


ଉଚ୍ଚ ନୀଚ ଭାବ ନାହିଁ ମା

ତୁମ୍ଭ ମନ ମନ୍ଦିରେ

ରଙ୍କ ହୁଏ ନରପତି ମା

ନୃପ କ୍ଷୁଧାରେ ମରେ ।


ଅପାର ମହିମା ତୁମ୍ଭର

କିଏ ପାରିବ ବର୍ଣ୍ଣି

କେବେ ପଦ୍ମାଳୟା କେବେ ମା

ଶସ୍ୟ ସବୁଜ ପର୍ଣ୍ଣି ।


ଜଗତ କଲ୍ୟାଣ କର ମା

ସ୍ମରେ ଅଧମ ଭକ୍ତ

ଦୋଷା ଦୋଷ କ୍ଷମା କରି ମା

ସଦା ହୋଇବ ପ୍ରୀତ ।


Rate this content
Log in

Similar oriya poem from Classics