ଜୟ ଗଜାନନ

ଜୟ ଗଜାନନ ଗଉରୀ ନନ୍ଦନ 

            ସିଦ୍ଧି ଦାତା ଗଣପତି 

ଜୟ ବିଘ୍ନରାଜ ବିକଟ ସୁମୂଖ 

            ଜୟ ହେ ବ୍ରହ୍ମଣସ୍ପତି ll

ଜୟ ଜ୍ଞାନ ଦାତା ଜୟ ବୁଦ୍ଧି ଦାତା 

            ଜୟ ପ୍ରଭୁ ବିଘ୍ନହର 

ଜୟ ଗଣାଧ୍ୟକ୍ଷ ଜୟ ଧୁମ୍ରକେତୁ 

          ଜୟ ହେ ମୟୂରେଶ୍ୱର ll

ଜୟ ବିଘ୍ନହର୍ତ୍ତା ଜୟ ଶୂର୍ପକର୍ଣ 

            ଜୟ ପ୍ରଭୁ ବିନାୟକ 

ଜୟ ଗଜବକ୍ର ଜୟ ଵକ୍ରତୁଣ୍ଡ 

            ଜୟ ସିଦ୍ଧି ପ୍ରଦାୟକ ll

ଜୟ ଭାଲଚନ୍ଦ୍ର ଜୟ ଧୂମ୍ରବର୍ଣ୍ଣ 

           ଜୟ ପ୍ରଭୁ ଲମ୍ବୋଦର 

ଦୟାକର ବାରେ ଏଇ ଅଜ୍ଞାନରେ 

           ଜୟ ଜୟ ବିଘ୍ନେଶ୍ୱର ll

ବୁଦ୍ଧିହୀନ ଏଇ ଅଜ୍ଞାନ ସନ୍ତାନେ 

          ଆଶିଷ ଦିଅ ହେ ପ୍ରଭୁ 

ଜ୍ଞାନ ଆଲୋକରେ ଆଲୋକିତ କର 

           ଦୂର କର ବିଘ୍ନ ସବୁ ll

ଜୟ ଅଗ୍ରପୂଜ୍ୟ ଜୟ ଗଣନାଥ 

         ଜୟ ହେ ବିଘ୍ନରାଜେନ୍ଦ୍ର 

ହେ କୃଷ୍ଣପିଙ୍ଗାକ୍ଷ ବିଦ୍ୟାଦାତା ପ୍ରଭୁ 

           ଅଗ୍ରଗଣ୍ୟ ଲାଲଚନ୍ଦ୍ର ll

ମୂଷିକ ବାହନେ ବିରାଜିତ ପ୍ରଭୁ 

      ପରଶୁ, ପାଶ, ଅଙ୍କୁଶ ଧାରୀ 

ଜୟ ଏକଦନ୍ତ ହେ ଆଦ୍ୟପୂଜିତ 

    ରକ୍ତ ପୁଷ୍ପ, ଦୁବେ ଶ୍ରଦ୍ଧା ତୁମରି ll

ଶୁଭ ବୁଦ୍ଧି ଜ୍ଞାନ ଦିଅ ଗଜାନନ 

          ଦିଅ ବିଦ୍ୟା ଅପ୍ରମିତ 

ଆହେ ଅଗ୍ରପୂଜ୍ୟ ପିନାକୀ ନନ୍ଦନ 

        ଘେନ ମୋର ପ୍ରଣିପାତ ll

ଶ୍ରୀ ଗଣେଶଙ୍କ ମନ୍ତ୍ର:

ଓଁ ଗଂ ଗଣପତୟେ ନମଃ l

ଓଁ ଶ୍ରୀ ଗଣେଶାୟ ନମଃ l

ଶ୍ରୀ ଗଣେଶଙ୍କ ଶ୍ଳୋକ:

ବକ୍ରତୁଣ୍ଡ ମହାକାୟ ସୂର୍ଯ୍ୟକୋଟି ସମପ୍ରଭଃ 

ନିର୍ବିଘ୍ନମ୍ କୁରୁମେ ଦେବ ସର୍ବ କାର୍ଯ୍ୟେଷୁ ସର୍ବଦା l