நூலகம்
சுயவிவரம்
ଜରି ଗୋଟାଳି
ଜରି ଗୋଟାଳି
1 min
149
ପେଟର ଭୋକକୁ ଲୁଚେଇ ପାରୁନି ।
ଭୋକରେ ଯାଉଛି ଜଳି ।
ଆବୋରି ନେଇଛି ଜୀବନ ସଂଗ୍ରାମେ ।
ସାଜିଛି ଜରି ଗୋଟାଳି।0।
ଭୋକିଲା କୁକୁର ଧାଇଁ ଆସୁଅଛନ୍ତି।
ମୁଁ ତାଙ୍କ ଶତ୍ରୁ ଭାବନ୍ତି।
ଦୁହେଁ ଦୁହିଁଙ୍କର ଦୁଃଖ ଚିହ୍ନି ଯାଇ
ପରାପର ଭାବିଥାନ୍ତି ।୧।
ଏମିତି ଜୀବନେ ଆସିଛି ଦୁର୍ଦ୍ଧିନ ।
ଚାଖଣ୍ଡକ ପେଟ ପାଇଁ।
ଅଖିଆ ପେଟରେ ଭୋକ ବିକଳରେ ।
ନିରବେ ଯାଇଛି ଶୋଇ ।୨।
ଜରି ଗୋଟାଳିର ଏସମାଜେ ତାର ।
କିବା ଅଛି ପରିଚୟ ।
କିଏ କହେ ମୋତେ ରିଫୁଜୀ ବିଦେଶୀ
କିଏ କହେ ଢାରତୀୟ ।୩।
ମାନବବାଦୀଙ୍କ ଦୃଷ୍ଟିରେ ମୁଁ
ଦୁସ୍ଥ ମଣିଷ ଟିଏ ।
ବଞ୍ଚିବାକୁ ଏତେ ବଡ ପୃଥିବୀରେ
ମୋ ପାଇଁ ସାହା ବା' କିଏ ?।୪।
ନମିଳୁ ପଛକେ ପେଟକୁ ଆହାର ।
ଜନମ ଦେଇଛି ଯିଏ ।
ଦି'ପାଦ ଭୂଇଁ ଚେନାଏ ଆକାଶ ।
ତାକୁ ଅବା ନେବ କିଏ ।୫।
ମୁଁ ଇଶ୍ବରଙ୍କ ଅମୃତ ସନ୍ତାନ
ମୋ' ଦୁଃଖ ବୁଝୁଛି କିଏ ।
ମୋତେ ତ ଦେଇଛି ଏ ଜନମ ସିଏ ।
ତାକୁ ଧନ୍ଯବାଦ ଦିଏ ।୬।
