ଓଡ଼ିଆ ଜାତିର ଲଢୁଆ ବୀର-29: ରତନା ନାଏକ
ଓଡ଼ିଆ ଜାତିର ଲଢୁଆ ବୀର-29: ରତନା ନାଏକ
କେନ୍ଦୁଝର ଗଡ଼ ଅରାଜକ ହେଲା ରାଜାଥିଲେ ଅପୁତ୍ରିକ,
ଇଂରେଜ ଚାହିଲେ ଦାସୀପୁତ୍ର ଜଣେ ହେଲେ ରାଜା ଅଭିଷେକ ।
ମହାରାଣୀ ତା’ର ପ୍ରତିବାଦ କରି ନେଲେ ପ୍ରଜା ସମର୍ଥନ,
ରତନା ନାଏକ ବିପ୍ଳବୀ ସାଜିଲେ ହେଲା ଭୂୟାଁ ଆନ୍ଦୋଳନ ।
ଧନୁ-ତୀର ବର୍ଚ୍ଛା କୁରାଢି ଉଠାଇ ଆସିଲେ ଜୁଆଙ୍ଗ ଭାଇ,
କୋଡ଼ିଏ ହଜାର ବିପ୍ଳବୀ ମାତିଲେ ନୂଆ ରାଜାଙ୍କୁ ବସାଇ ।
ଦେୱାନ ଧଳଙ୍କୁ ହତ୍ୟା କରାଗଲା ଧନୁର୍ଜ୍ଜୟ ହେଲେ ବନ୍ଦୀ,
ଶହେ ଅମଲାଙ୍କୁ ଘନ ଜଙ୍ଗଲରେ ବିଦ୍ରୋହୀ ରଖିଲେ ବାନ୍ଧି ।
ଚମକି ଉଠିଲେ ବିଷ୍ଣୁପ୍ରିୟା ରାଣୀ ଶାସକ ହେଲେ ଅଥୟ,
ସିଂହଭୂମି ପଟୁ ଫଉଜ ଆସିଲେ ଦେଖାଇ ଆତଙ୍କ ଭୟ ।
ପୁଲିସ ଛାଉଣି କେନ୍ଦୁଝର ଗଡ଼େ ଚାଲିଲା ଦମନ ଲୀଳା,
ଆଠଜଣ ବୀର ବିପ୍ଳବୀଙ୍କୁ ଧରି ଫାଶୀଦଣ୍ଡ ଦିଆଗଲା ।
ଦେଶାନ୍ତର ହେଲେ ସତେଇଶ ଜଣ କେତେ କାରାଗାର ଗଲେ,
କେତେ ଦେଶଦ୍ରୋହୀ ବିଶ୍ଵାସ ଘାତକ ପୁରସ୍କାର ପାଇଥିଲେ ।
ରତନା ନାଏକ ଫାଶୀକାଠ ପରେ ଗାଇଲେ ମୁକ୍ତିର ଗୀତି,
ସେହି ଗୀତି ସୁର ରହିଛି ଅମର ରହିଥିବ ହୋଇସ୍ମୃତି ।