ଜନନୀ ଜନମଭୂଇଁ
ଜନନୀ ଜନମଭୂଇଁ
ଓଡିଶା ମୋର ଜନମ ଭୂଇଁ,
ମରତେ ତାର ତୁଳନା ନାହିଁ,
ତା' କୋଳେ ଜନ୍ମନେଇ,
ଧନ୍ୟ ହୋଇଛି ଜନମ ମୋହର,
ତା'ପଦ ପରଶ ପାଇ ।
ଚରଣ ଧୂଏ ସାଗର ତାର,
ତା'କୋଳେ ଵିଜେ ଵଡଠାକୁର,
ଅନନ୍ୟ ଶୋଭା ତା'ର,
ଅପରୂପା ସେ ଜନନୀ ପଦେ,
ନମଇଁ ବାରବାର ।
ତାହାରି କୋଳେ ଜନମ ନେଇ
କେତେଯେ ରଥୀ ସଫଳ ହୋଇ
ରଖିଲେ ତାର ମାନ,
ଇତିହାସରେ ହୋଇଛି ଲେଖା
ମୋ ଜାତି ସ୍ବାଭିମାନ ।
ଆସ ସଭିଏଁ ଭଉଣୀ ଭାଇ,
ଶପଥନେବା ଏ ମାଟି ଛୁଇଁ,
ଲାଗିବା ତାର କାମେ,
କଥାରେ ନୁହେଁ - କାମରେ କରି,
ଦେଖାଇଦେବା ଆମେ ।