ଜନନୀ ଭଗିନୀ ଜାୟା ତିନି ରୂପ
ଜନନୀ ଭଗିନୀ ଜାୟା ତିନି ରୂପ
ଜୀବନ ସୃଷ୍ଟିର ସ୍ରଷ୍ଟା ଜଗତେ
ନାରୀ ପାଇଁ ସତ୍ତା ରହିଛି ସତେ
ପ୍ରକୃତି ପୁରୁଷ ମିଳିତ ହେଲେ
ନୂତନ ଜୀବନ ଲଭଇ ଭଲେ
ନାରୀର ଜୀବନ
ନାନା ରୂପେ ତାକୁ କରୁ ସମ୍ନାନ l
ପିତା ପାଇଁ ପୁତ୍ରୀ ରାଜକୁମାରୀ
ଭାରି ଅଲିଅଳି ଗେଲ୍ହା ସବୁରୀ
ତା ହସଖୁସିରେ ହସେ ସଂସାର
ଦୁହିତା ନାମରେ ହୁଏ ବିଚାର
କନ୍ୟାସେ ଅନନ୍ୟା
ନାହିଁଯେ ଉପମା ତାର ତୁଳନା l
ଭଗିନୀ ଭ୍ରାତାର ପ୍ରେମ ମଧୁର
ଭ୍ରାତା ପାଇଁ ଭଗ୍ନୀ ବାନ୍ଧେ ରାକ୍ଷୀର
ଭାଇର ଦୁଃଖରେ ହୋଇକି ଦୁଃଖୀ
ଓଷା ବ୍ରତ ରଖେ ହେବାକୁ ସୁଖି
ସ୍ୱରୂପ ଭଗିନୀ
ସ୍ନେହ ମମତାର ସତ୍ୟ କାହାଣୀ l
ସମାଜ ନିୟମ ମାନି ଚଳଣି
ବିବାହ କରିସେ ହୁଅଇ ରାଣୀ
ସିନ୍ଦୁର ଲଗାଇ ସ୍ୱାମୀ ନାମରେ
ଅଜଣା ରାଇଜେ ସଂସାର କରେ
ଜାୟାର ନାମରେ
ସ୍ୱାମୀ ସେବା ଧର୍ମ ତାର ବ୍ରତରେ l
ସନ୍ତାନ ଦେଇକି ହୁଅଇ ମାଆ
ବାତ୍ସଲ୍ୟ ମମତା ଦେଖେ ଦୁନିଆଁ
ସନ୍ତାନ ପାଇଁକି ଦେଇ ରୁଧିର
ପ୍ରତିଷ୍ଠା କରାଏ ଯେ ମାତୃତ୍ୱର
ହୋଇକି ଜନନୀ
ପୂର୍ଣ୍ଣତା ପାଏସେ ସଦା କଲ୍ୟାଣୀ l
ନାରୀ ଅଟେ ଶକ୍ତି ଶାନ୍ତିର ରଥୀ
ମମତା ମୟୀସେ ସ୍ନେହର ସାଥି
ଜନନୀ ଭଗିନୀ ରୂପରେ ଉଭା
ଜାୟା ଅଟେ କାର ବଢ଼ାଇ ଶୋଭା
ଗୋଟିଏ କାୟାରେ
ତିନି ରୂପ ତାର ମୋହ ମାୟାରେ l