ଘେନ ମୋର ପ୍ରଣିପାତ

ହେ ବିଶ୍ୱ ବନ୍ଦିନୀ ବିଦ୍ୟା ପ୍ରଦାୟିନୀ

ଘେନ ମୋର ପ୍ରଣିପାତ

ଅଜ୍ଞାନ ଅନ୍ଧାର ହୃଦୁକରି ଦୂର

କଣ୍ଠେହୁଅ ବିରାଜିତ ।

ମାଗୋ ମହାମାୟୀ ଶକ୍ତି ସ୍ୱରୂପିଣୀ

କଣ୍ଠୁ ଝରୁ ତବ ଗୀତି

ଜ୍ଞାନର ପ୍ରଦୀପ ଜାଳିଦିଅ ବାରେ 

ଜ୍ଞାନଦାତ୍ରୀ ସରସ୍ୱତୀ । 

ମାଗୋ ବୀଣାପାଣି ପୁସ୍ତକ ଧାରିଣୀ

ଶ୍ଵେତବର୍ଣ୍ଣ ବସ୍ତ୍ରାବୃତା

ଅଧମ ବାଚାଳ କରେ ଗୋ ବିନତୀ 

ସାହାହୁଅ ବିଦ୍ୟା ମାତା ।

ତୁମରି ଆଶିଷ ଘେନି କାଳିଦାସ

ଅରଜିଲା କେତେ ଯଶ

ହଂସ ବାହିନୀ ଗୋ ସର୍ବ ଦୋଷକ୍ଷମି

ଢାଳିଦିଅ ଜ୍ଞାନ ରସ ।