ଗୁରୁହିଁ ସାକ୍ଷାତ ଈଶ୍ୱର

ଗୁରୁ ଏ ସୃଷ୍ଟିର ସାକ୍ଷାତ ଈଶ୍ୱର

ବ୍ରହ୍ମା ବିଷ୍ଣୁ ମହେଶ୍ୱର

ତାଙ୍କ ପାଦତଳେ ପ୍ରଣତି ରଖିଲେ

ପାଇବ ଜ୍ଞାନ ମୁକ୍ତିର l

ଗୁରୁଙ୍କ ପରଶ ମିଳିଲେ ଆଶିଷ

ଦୁଃଖ କଷ୍ଟ ହଜିଯିବ

ଗୁରୁଙ୍କ ସେବାରେ ରହିଲେ ଭକ୍ତିରେ

କୋଟି ପୁଣ୍ୟ ପାଇଯିବ l

ଆଲୋକ ଜ୍ଞାନର ହଟେ ଅନ୍ଧକାର

ଗୁରୁ କୃପା ସଙ୍ଗେ ଥିଲେ 

ସମାଜ କଲ୍ୟାଣ ଗୁରୁଙ୍କ ସମ୍ମାନ

ଭକ୍ତିରେ ଆଦର କଲେ l

ଗୁରୁ ସୃଷ୍ଟିକାରୀ ଯେ ପ୍ରଳୟକାରୀ

ସମାଜର ମଙ୍ଗଧର

ପଥ ପ୍ରଦର୍ଶକ  ଶିକ୍ଷାର ବାହକ

ସତ୍ୟ ଧର୍ମ ସଂସ୍କୃତିର l

ଜୀବନ ସ୍ରୋତରେ ଜଞ୍ଜାଳ ସାଗରେ

ଗୁରୁ ମନ୍ତ୍ର ମହାଜ୍ଞାନ 

ଜୀବନ ଯୁଦ୍ଧରେ ସାରଥୀ ରୂପରେ 

ସହାୟ ଯେ ଗୁରୁ ଜାଣ l

ସତ୍ୟ ଶାନ୍ତି ପଥେ ଧର୍ମର ସହିତେ

ମାର୍ଗକୁ ଶିଖାଇ ଥାନ୍ତି

ଈଶ୍ୱର ଦର୍ଶନ ସାର୍ଥକ ଜୀବନ

ପରାମର୍ଶ ଦେଇଥାନ୍ତି l

ହେ ଗୁରୁ ଈଶ୍ୱର ପାଦେ ନମସ୍କାର

ସମାଜେ ହେଉ କଲ୍ୟାଣ 

ସୁଗୁଣ ପ୍ରସାରୀ ଅଶିକ୍ଷା ହଟାଇ

ଆଣହେ ନବ ଜୀବନ l