ପାଦୁକା ରାଜା
ପାଦୁକା ରାଜା
ରାଜା ଦଶରଥ କରି ଯଜ୍ଞ ବ୍ରତ
ହେଲେ ରାମଚନ୍ଦ୍ର ପିତା
ମର୍ଯ୍ୟାଦା ପୁରୁଷ ଈଶ୍ୱର ଶ୍ରୀରାମ
ରଘୁ ବଂଶ ବିଶ୍ୱ କର୍ତ୍ତା l
ସଂସାର ମଙ୍ଗଳ ମରତେ ଜନମ
ଧର୍ମ ରକ୍ଷା ପାଳ ପ୍ରଜା
ପ୍ରିୟ ପ୍ରଜାଙ୍କର ଶ୍ରଦ୍ଧାର ଠାକୁର
ସବୁଠାରେ ପାଅ ପୂଜା l
କୌଶଲ୍ୟା କୁମର ଧନ କୈକେୟୀର
ଭରତର ଭ୍ରାତା ରାମ
ସ୍ନେହ ପ୍ରେମ ଗୁଣ ବଶୀଭୂତ ଜାଣ
ଅଯୋଧ୍ୟାରେ ରାମ ନାମ l
ପିତୃ ସତ୍ୟ ପାଳି ରାମ ଗଲେ ଚାଲି
ବନେ ବରଷ ଚଉଦ
ଅଯୋଧ୍ୟା ରାଜନ ହେବେଯେ ଭରତ
ଜାଣି ହେଲେ ମର୍ମାହତ l
ଧିକାର ଧିକାର ରାଜ ଦରବାର
ଶୋକେ ଝୁରେ ଭାତୃତ୍ୱର
ରାଜ ପଦ ମୋର ନାହିଁ ଦରକାର
ରାମ ପ୍ରାଣ ଜୀବନର l
ହୃଦେ ଦୁଃଖ ଧରି ଶ୍ରୀରାମେ ଗୁହାରି
ଚାଲ ଭାଇ ଘର ଫେରି
ପାଷାଣ ଶରୀର ସତ୍ୟେ ନିଷ୍ଠା ଯାର
ବୁଝିଲେନି ଆସିକରି l
ଶ୍ରେଷ୍ଠ ଭାତୃଭକ୍ତି ଭରତର ନୀତି
ରାଜଗାଦୀ ଛାଡି କରି
ବନଚାରି ବେଶେ ନିଜକୁ ସଜାଏ
ଜଟାଧାରୀ ରାମପରି l
ପାଦୁକା ପୂଜଇ ସିଂହାସନେ ରଖି
ରାମ ରାଜା ଦାସ ତାର
ପ୍ରତୀକ ରାମର କାମ ସେବକର
ନିଦର୍ଶନ ଭାତୃତ୍ୱର l
ବିଶ୍ୱ ଦରବାରେ ଭାରତ ଦେଶରେ
ଭରତର ଜୟଗାନ
ଭାତୃ ପ୍ରେମ ଗାଥା ସଂଘୀୟ ସଂହିତା
ଜାତୀୟତା ଆମ ପ୍ରାଣ l
ଏବେ ରାଜନୀତି ଭୁଲିକି ସଂସ୍କୃତି
ପଦ ସ୍ଵାର୍ଥେ ଭୁଲେ ନୀତି
ନାହିଁ ଭାଇ ପ୍ରୀତି ଧନ ଲୋଭେ ମାତି
ହଜାଏ ନିଜର କୀର୍ତ୍ତି l