ପ୍ରକୃତି କୋଳରେ
ପ୍ରକୃତି କୋଳରେ
ସମାନ୍ତରାଳ ନଦୀର ଦୁଇ ଧାରେ
ଯେବେ କାଶତଣ୍ଡୀ ଶରତେ ଖେଳେ
ଧବଳ ବସନ ମଣ୍ଡିତ ଶୋଭାବନେ
ଶାରଦୀୟ ମହୋତ୍ସବ ପାଳନ୍ତି ସକଳେ।
ନିର୍ମଳ ଚଉଦିଗ ମହକାଇ ଧୂପଦୀପ
ଦେବୀ ଆବାହନେ ଉତ୍-ଫୁଲ୍ଲିତ ମହାଦ୍ୱୀପ
ଘଣ୍ଟ ଘଣ୍ଟା କାହାଳୀର ତାଳେ ତାଳେ
ଝୁମି ଉଠେ ପରିବେଶ ଉପବନରେ।
ଭକ୍ତି ଭାବେ କରି ସୁଶୋଭିତ
ପୁଷ୍ପ ବୃଷ୍ଟି ହୁଅଇ ସର୍ବତ୍ର
ଶ୍ରାବଣର ଅବାରିତ ଧାରା ଅନ୍ତେ
ବନ ବନେ ହୋଇଥାଏ ନବପଲ୍ଲବିତ।
ପତ୍ରଝଡ଼ା ଦିଏ ଶରତ ଆଗମନେ
ଶୀତଳ ଶୀତରେ କାକର ବିଧୌତା
ପ୍ରସ୍ଫୁଟିତ ବ୍ରହ୍ମକମଳ ଶିଶିରେ ସଦ୍ୟସ୍ନାତା।