ଜନ୍ମଦିନ
ଜନ୍ମଦିନ
ଜନ୍ମଦିନ ଜନ୍ମ ନକ୍ଷତ୍ର ଆସିଲେ
ପ୍ରଭାତୁ ସ୍ନାନ ସାରିବ ।
ସନ୍ଧ୍ୟା ବନ୍ଦନାଦି ପ୍ରାତଃ କୃତ୍ୟ ସାରି
ସଂକଳ୍ପ କୃତ୍ୟ କରିବ ।
ନିଜ ଜନ୍ମ ଦିନେ ପରମାୟୁ ବୃଦ୍ଧି
ଗଣେଶ ଆଦି ଦେବତା।
ଷଷ୍ଠୀ ଦେବୀ ମାର୍କଣ୍ଡେୟ ସପ୍ତ
ଚିରଞ୍ଜିବୀଙ୍କୁ କରିବ ଚିନ୍ତା ।
କୁମ୍ଭରେ ବରୁଣ ସଂସ୍ଥାପନ କରି
ଗଣଦେବତା ବରୁଣ ।
ନବଗ୍ରହ ଦଶଦିଗପାଳ ଗ୍ରାମ
ଦେବୀଙ୍କର ଆବାହନ।
ମୃତ୍ୟୁଞ୍ଜୟ ବ୍ରହ୍ମା ବିଷ୍ଣୁ ଈଶାନ ଓ
ତିଥି ନକ୍ଷତ୍ର ରାଶିଙ୍କୁ।
ସ୍ବନକ୍ଷତ୍ର ସ୍ୱରାଶି ଆତ୍ମଦେବତା
ଆବର ମୃତ୍ଯୁଦେବଙ୍କୁ।
କୁଳଦେବତା ଧୀଷଣା ବୃଦ୍ଧମାତା
ଗଉରୀ କଟପୂତନା।
କ୍ଷିତାଦି କ୍ଷେତ୍ରପାଳ ଷଷ୍ଠୀ ମାର୍କଣ୍ଡ
ବଳି ବ୍ୟାସ ଅଶ୍ବତ୍ଥାମା।
ହନୁମାନ ବିଭୀଷଣ କୃୃପାଚାର୍ଯ୍ୟ
ପରଶୁରାମ ସଭିଙ୍କୁ ।
ଆବାହନ କରି ପଞ୍ଚ ଉପଚାରେ
ପୂଜନ କର ତାହାଙ୍କୁ ।
ଦୁର୍ବାକ୍ଷତ ପୁଷ୍ପେ ଅର୍ଚ୍ଚନା ସରିଲେ
ସାରି ପୁଣ୍ୟାହବାଚନ।
ଭୁମି ଦୀପ ଫଳ ଦୁର୍ବା ପୁଷ୍ପ
ଗୋରୋଚନା ଆବର ଦର୍ପଣ।
ଦଧି ସିଦ୍ଧ୍ୟାର୍ଥ ଘୃତ ଗନ୍ଧ ବସ୍ତ୍ର
ଅଳଙ୍କାର ସୁୁବର୍ଣ୍ଣ ମନ୍ତ୍ର ।
ମଙ୍ଗଳାରୋପଣ ବିଧି ଆଶୀର୍ବାଦ
ଗ୍ରହଣ ସାରିବ ତତ୍ର ।
ଦେବ ବିସର୍ଜନ ଭୂମିରେ ପ୍ରଣାମ
ବନ୍ଦାପନା କରି ଶେଷ।
କୁମ୍ଭାଭିଷେକ ଅଛିଦ୍ରାବଧାରଣ
ବ୍ରାହ୍ମଣ ଭୋଜନ ଶେଷ।
ବିଷ୍ଣୁଙ୍କ ସ୍ମରଣ ଇଷ୍ଟ ଦେବତାଙ୍କୁ
ନମସ୍କାର ତୁମେ କର।
ଗୁରୁ ଗୁରୁଜନେ ପ୍ରଣାମ କରିବ
ଜନ୍ମଦିନ ଶୁଭଙ୍କର ।