Library
ଜଳନ୍ତା ସୂର୍ଯ୍ୟ
ଜଳନ୍ତା ସୂର୍ଯ୍ୟ
ଅଂଶୁମାନ ଆଜି ଗ୍ରୀଷ୍ମ ଆଗମନେ
ନେଇଛନ୍ତି ପରା ବିକଟ ରୂପ
ଅଗ୍ନି ବର୍ଷଣରେ ସତେ ଅବା ସିଏ
ଦେଉଛନ୍ତି ଖାଲି ସେ ଅଭିଶାପ ।
ରକ୍ତ ପିଙ୍ଗଳ ର ବର୍ଣ୍ଣ ଧରି ସତେ
କରୁ ଅଛନ୍ତି କି ତାଣ୍ଡବ ନୃତ୍ୟ
ଝାଞ୍ଜି ପବନରେ ଦେହ ଜଳିଯାଏ
ଜୀବ ଜଗତ ଯେ କି ଅସ୍ତବ୍ୟସ୍ତ l
ରକ୍ତିମ ସୁରୂଜ ଆଭା ବିଭା ନାହିଁ
ସୁନ୍ଦରତା ଏବେ ମୋହୁନି ମନ
ଧରଣୀ ମାଆର ପଣତ ଟା ଆଜି
ଜଳି ପୋଡ଼ି ମନ ହେଉଛି କ୍ଷୁର୍ଣ୍ଣ ।
ଘର ଭିତରେ ତ ରାହା ମିଳୁନାହିଁ
ବାହାର ର କଥା ବିପଦ ପୂର୍ଣ୍ଣ
ଦିବାକର ସତେ କ୍ରୋଧ ଜର୍ଜରତ
ଧ୍ବଂସ ପାଇଁ ତାଙ୍କ ହୋଇଛି ମନ ।
ସୃଷ୍ଟିର ଆଧାର ସୁରୂଜ ଦେବ ଯେ
ସୃଷ୍ଟି ଧ୍ୱଂସକାରୀ ସାଜି ଅଛନ୍ତି
ଏଥିପାଇଁ ପରା ମଣିଷ ଜାତିକୁ
ଦୋଷୀ ବୋଲି ସିଏ କହୁ ଅଛନ୍ତି ।
ପ୍ରଗତି ରେଖା ଯେ ଦୁର୍ଗତି ଆଣୁଛି
ପ୍ରକୃତି ପାଇଁ ତ ଶୋଚ଼ନା ନାହିଁ
ଦୁଷ୍କୃତିରେ ମାତି ଏ ମଣିଷ ଜାତି
ସାମଞ୍ଜସ୍ୟ କଥା ଜମା ଭାବୁନି ।
ଅଂଶୁମାନ ଠାରୁ ଆଶ୍ୱାସ ମିଳୁନି
ରକ୍ତବର୍ଣ୍ଣେ ରଙ୍ଗା କିରଣ ରେଖା
ବିକଟାଳ ରୂପ କରେ ସର୍ବନାଶ
ମଣିଷକୁ କିବା ମିଳୁନି ଶିକ୍ଷା ।
ଉଦୟ ସ୍ୱରୁଜ ମୁରୂଜ କୁ ଦେଖି
ମନ ଉତ୍ଫୁଲ୍ଲିତ ହେଉ ଯେ ନାହିଁ
ବାହାରର କାମ ଦେଉ ଅଛି କଷ୍ଟ
ଜୀବନ ହେଉଛି ନିଆଁର ନଈ ।
ଜୀବ ଜଗତ ର ଶ୍ରେଷ୍ଠ ଧରୋହର
ହେ ମଣିଷ ଜାତି ତତ୍ପର ହୁଅ
ହାତେ ହାତ ଦେଇ ମନକୁ ମିଳାଇ
କରଣୀୟ କାର୍ଯ୍ୟ କରିବା ଚ଼ାଲ I
ଅଗ୍ନି ବରଷଣେ ବିଶ୍ଵ ଧ୍ଵଂସ ହେବ
ଧ୍ବଂସ ହୋଇବ ଯେ ଜୀବ ଜଗତ
ସାବଧାନତାର ମନ୍ତ୍ର ପାଠ କରି
ବଢାଇବା ଚ଼ାଲ ଆଗକୁ ପାଦ ।
ଜଳନ୍ତା ସୁରୂଜ କାଳାନ୍ତକ ନୋହୁ
ସୃଷ୍ଟିର ଆଧାର ହୋଇ ଯେ ରହୁ
ଆମରି ପ୍ରଚେଷ୍ଟା ଜଳନ୍ତା ନିଆଁ କୁ
ଫଳନ୍ତା କିରଣେ ବଦଳି ଦେଉ ।
