ଜୀବନ..

କିଏ କହେ ଏଠି ଜୀବନ ଜଞ୍ଜାଳ, ଜୀବନ ନରକ, ଜୀବନ ତ ଜଉଘର, 

କିଏ କହେ ପୁଣି ଜୀବନ ଯାତନା, ଜୀବନ ଯନ୍ତ୍ରଣା, ନିଦାଘର ବାଲିଘର | 

ଜୀବନ ଯେଉଁଠି ସାଧନାର ପୀଠ,ଶାଶ୍ୱତ, ଅମୃତ, ସାଧନାର ଷଠୀଘର, 

ଜୀବନ ସେଇଠି ମନ୍ତ୍ର ମୁଗ୍ଧ କରେ, ମନ୍ତ୍ର ସିଦ୍ଧ ହୁଏ, ଜୀବନ ତ 

ମୁକ୍ତି ପଥ..||

ଜୀବନ ନୁହଁଇ କାମନା ବାସନା ଲୋଭ ମୋହ ମାୟା ତୃପ୍ତିର 

ଅକ୍ଷ ପଥ, 

ଜୀବନ ଅଟଇ ପ୍ରେମ ସୁଧା ବହ୍ନି ପ୍ରେମ ଅର୍ଘ୍ୟ ଥାଳି କୁସୁମିତ 

ମୁକ୍ତି ତୀର୍ଥ |

ଜୀବନ ଯୁଇରେ ସ୍ୱାର୍ଥ ମେଧ ଯଜ୍ଞ, ପ୍ରେମ ପୁଷ୍ପ ରାଗ ପ୍ରସ୍ଫୁଟିତ 

ମୋକ୍ଷ ମାର୍ଗ, 

ଜୀବନ ବହ୍ନିରେ ସ୍ନେହ ପ୍ରେମ ପ୍ରୀତି ସ୍ୱାର୍ଥ ତ୍ୟାଗ ସିଦ୍ଧି ମିଳନର 

ସ୍ୱର୍ଗ ଧାମ || 

ଜୀବନ ନଈରେ,କେବେ ସେ ଜୁଆର ସଦା ଛଳ ଛଳ ଅବିରତ 

ନିତ୍ୟ ସ୍ଥାନ, 

ଜୀବନ ମୁକ୍ତିରେ,କେବେ କଣ୍ଟକିତ,କେବେ ପ୍ରସ୍ଫୁଟିତ,ସତ୍ତ୍ୱ ରଜ 

ତମ ମୁକ୍ତ କାମ |

ଜୀବନ ଆକାଶ, ଜୀବନ ସାରାଂଶ, ଜୀବନ ସ୍ରୋତ,ପ୍ରତିକ୍ଷୀତ 

ମନ୍ତ୍ର ସିଦ୍ଧ, 

ଜୀବନ ପ୍ରକାଶ, ଜୀବନ ଆଲୋକ, ସୃଷ୍ଟି ଅବକାଶ,ସେ ମୁକ୍ତିର 

ପୁଣ୍ୟ ମାର୍ଗ ||

ସବୁ ସର୍ଜନାର ମୂଳ ମନ୍ତ୍ର ସେହି, ଜୀବନ ମୁକ୍ତିର ଆସ୍ଵାଦନ ସେହି 

ସେ ପରା ଚିର ଭାସ୍ୱର |

ଜୀବନ ମୂର୍ଚ୍ଛନା ପ୍ରାଣ ସ୍ପର୍ଶ ସେହି, ଜୀବନ ଆଲୋକ ତତ୍ତ୍ୱ ପୂର୍ଣ୍ଣ ହୋଇ ଗାଏ ଜୀବନ ସଂଗୀତ ||