🎂🎂🎂ପ୍ରଭୁଙ୍କ ଖେଳ🎂🎂🎂

ଯାହା କିଛି ଘଟେ ପୃଥିବୀର ମଧ୍ୟେ

ପ୍ରଭୁଙ୍କ ଖେଳ ହିଁ ଏହୁ,

ପାପିଙ୍କର ପାଇଁ ଖେଳ ହିଁ କରନ୍ତି

କର୍ମର ସତ୍ୟତା ରହୁ।୧।

ପ୍ରଭୁଙ୍କ ଖେଳରେ ବିଚଳ ନୁହନ୍ତି

ସତ୍ୟପଥଗାମୀ ଜନ,

ନିବାରଣେ ତାର କର୍ତ୍ତବ୍ୟ ପଥରେ

ସେବୁ ଥାନ୍ତି ଜନଜନ।୨।

ପ୍ରଭୁଙ୍କ ଖେଳରେ କର୍ତ୍ତବ୍ୟ ଜଡ଼ିତ

ଥାନ୍ତି ଯେଉଁ ଯେଉଁ ଜନ,

ଦିନରାତି ତାଙ୍କ ସମର୍ପଣ ଭାବ

ଜନକଲ୍ୟାଣରେ ମନ।୩।

କାହା ପ୍ରତି କିଛି କେଭେଁ ନ କୁହନ୍ତି

ସମଭାବ ମନ୍ତ୍ର ତାଙ୍କ,

ଆବଶ୍ୟକ ସବୁ ଯୋଗେଇ ଦିଅନ୍ତି

କର୍ମପଥ ଅଟେ ତାଙ୍କ।୪।

ବିରୋଧୀ ବିରୋଧେ ବିଚଳିତ ନାହିଁ

ସେବା ଭାବ ମନ୍ତ୍ର ତାଙ୍କ,

ସୁଯୋଗ ସନ୍ତାନ ପ୍ରଭୁଙ୍କ ଅଟନ୍ତି

ପ୍ରଭୁ ପ୍ରତି ଭକ୍ତି ତାଙ୍କ।୫।

କରୋନା ଯନ୍ତ୍ରଣା ଅତି ଭୟଙ୍କର

ପ୍ରଚଣ୍ଡ ତୁଫାନ ଆସେ,

କର୍ମପଥେ ସଦା ସମର୍ପଣ ଭାବ

ଦିନରାତି ଏକ ଦିଶେ।୬।

କର୍ମପଥେ ତାଙ୍କ ଦିନରାତି ନାହିଁ

ଜନଙ୍କ ସୁରକ୍ଷା ବଡ଼,

ଅର୍ପଣ ଜୀବନ ରାଷ୍ଟ୍ର ହିତେ ତାଙ୍କ

ରାଷ୍ଟ୍ର ସୁରକ୍ଷା ହିଁ ବଡ଼।୭।

ବିରୋଧୀର ସ୍ବପ୍ନ ସତ୍ତାର କାମନା

କରନ୍ତି ଘୋର ବିରୋଧ,

ବିପଦରେ ମଧ୍ୟ ନାହିଁ ଜନସେବା

ଶତ୍ରୁଙ୍କୁ ଯୋଡି ବିରୋଧ।୮।

ମାଆ ମାତୃଭୂମି ଆଦର ଟି ନାହିଁ

ନାହିହିଁ ରାଷ୍ଟ୍ର ଆଦର,

ବିଭିନ୍ନ ପ୍ରକାର ମନ୍ତଣା କରନ୍ତି

ନ ଥାଏ ଦେଶେ ଆଦର।୯।

ଏପରି ଲୋକଙ୍କୁ ଚିହ୍ନିବା ନିମନ୍ତେ

ପ୍ରଭୁଙ୍କ ଏପରି ଖେଳ,

ସମସ୍ତେ ଚିହ୍ନିବେ ଏପରି ଲୋକଙ୍କୁ

ପ୍ରଭୁଙ୍କ ବିଚିତ୍ର ଖେଳ।୧୦।

ଯାହା କିଛି ଘଟେ ପୃଥିବୀର ମଧ୍ୟେ

ପ୍ରଭୁଙ୍କ ଖେଳ ହିଁ ଏହୁ,

ପାପିଙ୍କର ପାଇଁ ଖେଳ ହିଁ କରନ୍ତି

କର୍ମର ସତ୍ୟତା ରହୁ।